வரிசையாகப் பொய்(யர்)கள் ……

2ஜி ஸ்பெக்ட்ரம் விவகாரத்தில் –

எந்தவித தவறும் நடக்கவில்லை.
எல்லா  முடிவுகளும்,
பிரதமருக்குத் தெரிந்து,
அவர்  அனுமதியுடனேயே
எடுக்கப்பட்டன.

– ஆ.ராஜா

எந்த தவறும் நடக்கவில்லை
என்று ராஜாவே கூறி விட்டார் !

– மன்மோகன் சிங்

ஸ்பெக்ட்ரம் விஷயத்தில் எந்தவித ஊழலோ,
அரசுக்கு இழப்போ ஏற்படவில்லை.
உண்மையில் அது “ஜீரோ லாஸ்”.
சிஏஜி தவறான கண்ணோட்டத்தில் ரிப்போர்ட்
கொடுத்து நாட்டை அநாவசிய கிலேசத்திற்கு
உள்ளாக்கி விட்டார்.

– கபில் சிபல்

ராஜா எந்தவித தவறும் செய்யவில்லை.
அவர் “தகத்தகாய கதிரவனாக” வலம்
வருவார்.

–  கலைஞர்

காங்கிரஸ் ஆட்சியில் சட்டம் தன் கடமையைச்
செய்யும் என்பதற்கு இதுவே உதாரணம்.
குறை கூறியவர்கள் எல்லாம் வாயடைத்துப் போய்
நிற்கிறார்கள்.

காங்கிரசுக்கும் -திமுக வுக்கும் உள்ள உறவிற்கும்,
இந்த
வழக்கிற்கும் என்ன சம்பந்தம் ?

– அபிஷேக் மனு சிங்வி –
காங்கிரஸ்  செய்தி தொடர்பாளர்

————————————————

சிவிஜி யாக தாமஸ் நியமனம்
செய்யப்பட்டது தொடர்பான சச்சரவில் –

குற்றப்பத்திரிகை தாக்கல் செய்யப்பட்ட
ஊழல்வாதியை தேர்வு செய்யலாமா?’-  செய்தி நிருபர்கள் கேள்வி.
கோர்ட்டில் வழக்கு இருப்பதால், இதற்கு நான்
பதில் அளிக்க விரும்பவில்லை.

– ப.சிதம்பரம்

நான் அப்பழுக்கற்றவன்.
இரண்டு கட்சிகளுக்கிடையில் நடக்கும்
அரசியலில் அநாவசியமாக மாட்டிக்கொண்ட
அப்பாவி நான்.

ஊழல் கண்காணிப்பாளராக நியமிக்கப்பட்டுள்ள
(பாமாலின் ஊழல் வழக்கில் சிக்கியுள்ள ) –
முன்னாள் தொலை தொடர்பு
துறைச் செயலாளர் பி.ஜெ. தாமஸ்

சிவிஜி நியமன சம்பந்தமாக எதிர்க்கட்சித் தலைவர்
சுஷ்மா ஸ்வராஜ் கலந்து கொண்ட கூட்டத்தில்-
தாமஸ் மீதான வழக்கில் அவர் விடுவிக்கப்பட்டு
விட்டார் என்று கூறப்படவே இல்லை !

நிலுவையில் உள்ள அவரது வழக்கு தொடர்பாக
கமிட்டி கூட்டத்தில் விவாதிக்கவில்லை
என்று அரசு எப்போது சொன்னது ?

சுஷ்மா ஸ்வராஜ் அநாவசிய கற்பனையில் உள்ளார் !
இந்த பிரச்சினையைத் தீர்க்கும் இடத்தில்
கோர்ட் உள்ளது என்பதை உணர்ந்து சுஷ்மா
அநாவசியமாக இது பற்றி பேசுவதைத் தவிர்க்க வேண்டும்.

–  ப.சிதம்பரம்

காங்கிரஸ் கட்சி ஊழலை ஒரு போதும்
சகித்துக் கொள்ளாது.
பதவியும், பணமும், அது தரும் மகிழ்ச்சியும்
மட்டுமே
வாழ்க்கை அல்ல.
ஒரு குறிப்பிட்ட நிலை வரை மட்டுமே அவை
மகிழ்ச்சியைத் தரும்.

–  சோனியா காந்தி

———————————————–

தமிழக மீனவர்கள் மீது தாக்குதல் நடத்த
மாட்டோம் என்று இந்தியாவிடம் இலங்கை
கூட்டறிக்கை வாயிலாக தெரிவித்துள்ளபடி
நடந்து கொள்ளும்.

வெளியுறவுத் துறைச்செயலாளர்
– நிருபமா ராவ்
———————————————-

தமிழக அரசும் விழிப்புடனும்,
கண்காணிப்புடனும்
தொடர்ந்து செயல்படுவதால் மாநிலத்தில்
சட்டம்-ஒழுங்கு நிலைமை நன்கு
பராமரிக்கப்பட்டு வருகிறது.

-செவ்வாய்க்கிழமை நடைபெற்ற
முதல்வர்கள் மாநாட்டில் முதல்வர் கருணாநிதி

————————————————–

எல்லாருமே  பெரிய மனிதர்கள் –
மேன்மக்கள் -அவர்கள் சொன்னால்
சரியாகத்தான் இருக்கும்.
பொய்யா சொல்லப் போகிறார்கள் !

– இந்த நாட்டின் அப்பாவி குடிமக்கள்