…

பிரதமர் பதவிக்கு – மோடிஜிக்கு பதிலாக மாற்று நபர் தேவை என்று BJP/RSS -லிருந்து வெளிப்படையாக முதல் குரல் மும்பையிலிருந்து கிளம்பியிருக்கிறது….

அடுத்த பிரதமர் “நாக்பூர்” -காரராமே…? RSS-ன் மாற்று யோசனை….!!!

– என்கிற தலைப்பில் 3 மாதங்களுக்கு முன்னர் இந்த தளத்தில் ஒரு இடுகை வெளிவந்தது நண்பர்களுக்கு நினைவிருக்கலாம்… அதை உறுதிப்படுத்தும் விதமாக,

– தற்போது, மோடிஜிக்கு பதிலாக நிதின் கட்கரியை கொண்டு வாருங்கள் என்று வெளிப்படையாக மஹாராஷ்டிராவிலிருந்து பாஜக/ஆர்.எஸ்.எஸ். முக்கியஸ்தர் ஒருவர்
முதல் குரல் கொடுத்திருக்கிறார்….

இது குறித்து தினமணி வலைத்தளத்தில் வெளிவந்துள்ள செய்தியிலிருந்து சில பகுதிகள் கீழே –

——————————————————————

மோடியை அகற்றி விட்டு கட்கரியை நியமியுங்கள்:ஆர்.எஸ்.எஸ்ஸை அதிர வைத்த கடிதம்
Published on : 18th December 2018 03:07 PM

மும்பை: பிரதமர் பதவியில் இருந்து மோடியை அகற்றி விட்டு நிதின் கட்கரியை நியமியுங்கள் என்று விவசாய சங்கத் தலைவர் ஒருவர் ஆர்.எஸ்.எஸ் தலைமைக்கு எழுதியுள்ள கடிதம் அதிர்ச்சி அலைகளை கிளப்பியுள்ளது.

விவசாய மேம்பாட்டுக்காக மஹாராஷ்டிர மாநில அரசால் வி.என்.எஸ்.எஸ்.எம் என்னும் குழு நியமிக்கப்பட்டுள்ளது . இதன் தலைவருக்கு ஏறக்குறைய மாநில அமைச்சர் பதவிக்கு நிகரான
அந்தஸ்து உள்ளது. தற்போது அதன் தலைவராக இருப்பவர் கிஷோர் திவாரி.

செவ்வாயன்று மும்பையில் தானே மற்றும் புணே ஆகிய நகரங்களில் மெட்ரோ ரயில் திட்டங்களுக்கு அடிக்கல் நாட்டுதல் உள்ளிட்ட பல்வேறு திட்டங்களில் பங்கேற்பதற்காக பிரதமர்
மோடி மும்பை வருகிறார்.

இந்நிலையில் பிரதமர் பதவியில் இருந்து மோடியை அகற்றி விட்டு நிதின் கட்கரியை நியமியுங்கள் என்று கிஷோர் திவாரி ஆர்.எஸ்.எஸ் தலைமைக்கு எழுதியுள்ள கடிதம் அதிர்ச்சி
அலைகளை கிளப்பியுள்ளது.

இதுதொடர்பாக ஆர்.எஸ்.எஸ் அமைப்பின் தலைவர் மோகன் பாகவத் மற்றும் பொதுச் செயலாளர் பையாஜி சுரேஷ் ஜோஷி ஆகிய இருவருக்கும் எழுதியுள்ள கடிதத்தில் கிஷோர் திவாரி
குறிப்பிட்டுள்ளதாவது:

தீவிரப்போக்கு மற்றும் சர்வாதிகார மனப்பான்மையை கடைப்பிடிக்கும் தலைவர்கள் கட்சியிலும் ஆட்சியிலும் இருப்பது என்பது நாட்டிற்கும் சமூகத்திற்கும் ஆபத்தானதாகும். இதற்கு முன்பும் இது நிரூபிக்கப்பட்டுள்ளது எனவே வரலாறு மீண்டும் திரும்ப நடக்க கூடாது என்றால், 2019-ஆம் ஆண்டு தேர்தலில் தலைமைப் பொறுப்பில் இருந்து மோடியை நீக்கி விட்டு, நிதின் கட்கரியை நியமிக்க வேண்டும்.

– இவ்வாறு அந்த கடிதத்தில் திவாரி தெரிவித்துள்ளார்.

முன்னதாக டிசம்பர் 11-ஆம் தேதியன்று ஐந்து மாநில தேர்தல் முடிவுகள் வெளியான அன்றும் கூட, ‘பாஜகவின் தோல்விக்கு காரணமாக அமைந்தவர்களும், விவசாயிகள் மற்றும்
பொதுமக்களுக்கு எதிரான கொள்கைகளை கொண்டவர்களுமான மோடி மற்றும் அமித் ஷா இருவரும் பதவியிலிருந்து நீக்கப்பட வேண்டும்’ என்று கிஷோர் திவாரி தெரிவித்திருந்தார் என்பது
குறிப்பிடத்தக்கது.

( https://www.dinamani.com/india/2018/dec/18/replace-modi-with-gadkari-maharashtra-leader-tells-rss-3060448.html )

பின் குறிப்பு – இவர் மீது பாஜகவிலிருந்தோ, ஆர்.எஸ்.எஸ். -லிருந்தோ இதுவரை எந்தவித கண்டனங்களும் எழும்பவில்லை… இவர் மீது எந்தவித நடவடிக்கைகளும்
எடுக்கப்படவில்லை என்பது குறிப்பிடத்தக்கது. நிதின் கட்கரி மஹாராஷ்டிராவை, முக்கியமாக RSS தலைமை இருக்கும் நாக்பூரை சேர்ந்தவர் என்பதும், அவர் RSS
தலைமைக்கு மிகவும் நெருக்கமானவர் என்பதும் கூட இங்கே முக்கியத்துவம் பெறுகிறது.

.
————————————————————————————————————————————–