அநியாயத்திலும்  ஒரு நியாயம்….

தமிழ்நாடு டாஸ்மாக் பணியாளர் சங்கம்
(அதாவது அரசாங்கம் நடத்தும்
சாராயக்கடைகளில் பணி புரியும்
ஊழியர்களின் சங்கம் )
ஒரு அறிக்கை வெளியிட்டிருக்கிறது.

அதில்  கிடைக்கும் விபரங்களையும்
நியாயத்தையும் பாருங்கள்  –

1)  தமிழகத்தில் 75 லட்சம் பேர்
தினமும்  சாராயம் குடிக்கிறார்கள்  !

(தெரிந்து கொள்ள வேண்டியது –

தமிழ் நாட்டின் மொத்த மக்கள்
தொகை சுமார் 7 கோடி.
இதில் சரி பாதி பெண்கள் என்று
வைத்துக்கொண்டால் மீதி ஆண்களின்
ஜனத்தொகை 3.5 கோடி.
இதில் சிறுவர்கள் 1 கோடியை
கழித்து விட்டால் மீதி 2.5 கோடி பேர்.

ஆக தமிழ் நாட்டில் நான்கில் ஒருவர்
(2.5 கோடியில் – 75 லட்சம்)
தினமும் குடிக்கும்  குடிகாரர் ! )

2)  இதில் 80 சதவீதம்  பேர்
(அதாவது சுமார் 60 லட்சம் பேர் )
நடுத்தர வகுப்பு மற்றும் வறுமைக்
கோட்டிற்கு கீழே இருப்பவர்கள் !

3) இவர்கள் தினசரி தங்கள்
வருமானத்தில் 90 சதவீதத்தை
சாராயத்திற்காக செலவழிக்கிறார்கள் !

4) இப்போது தமிழ்நாடு அரசு
டாஸ்மாக் சரக்குகளின் விலையை
குவார்ட்டருக்கு 5 ரூ, ஆப்பிற்கு(?)
10 ரூ,புல் (!)ல்லுக்கு 20 ரூபாய்
என்று உயர்த்தி இருக்கிறது.

5) இந்த விலை உயர்வு மக்களை
(அதாவது குடிகாரர்களை ) எந்த அளவிற்கு
பாதிக்கும் என்பதை தமிழ்நாடு அரசு
சிறிதாவது உணர்ந்திருந்தால்
இந்த விலை உயர்வை அறிவித்திருக்குமா ?

அதானே – சரியாகத்தான் சொன்னார்கள் –
அநியாயத்திலும் ஒரு நியாயம் இருக்க
வேண்டாமா ?

அடக்கடவுளே ! யார் யாரை எல்லாம்
நியாயம் கேட்டு புலம்ப வைத்து விட்டாய் நீ !