…………………………………………………….

…………………………………………………….

……………………………………………………….

வருமானவரித்துறை அறிவிப்பு –

`உறையூர், செங்குன்றம் ஆகிய இரண்டு இடங்களில் நடந்த
சோதனையில், பான்கார்டு இணைக்கப்படாமல் செங்குன்றத்தில்
ரூ.2,000 கோடி, உறையூரில் ரூ.1,000 கோடி மதிப்பிலான
பத்திரப்பதிவுகள் நடந்திருப்பது முதற்கட்ட ஆய்வில் தெரிய
வந்திருக்கிறது.’

https://tamil.indianexpress.com/tamilnadu/uraiyur-sub-registrar-has-no-account-for-3000-cores-says-ed-department-716770/………………………..

30 லட்சம் ரூபாய்க்கு மேல் மதிப்புள்ள சொத்துகளின் விற்பனை
பதிவுக்கு வரும்போது, சம்பந்தப்பட்ட பதிவாளர்கள் அது குறித்த
விவரங்களை, மத்திய நிதியமைச்சகத்தின், வருமான வரி இலாகா
இணையத்தளத்தில் பதிவேற்றியாக வேண்டும் என்பது விதி…

இந்த விவரங்களை வாங்குவோர், விற்போரின் ஆதார் மற்றும்
பான் கார்டு விவரங்களுடன் தெரிவிக்க வேண்டும். இதன் மூலம்,
வருமான வரி இலாகா, சம்பந்தபட்ட நபர்களின் வருமான வரி
கணக்குடன் இந்த விவரங்களை இணைத்து சரி பார்க்கும்.
எங்கேயாவது தவறு இருப்பின், மேல் நடவடிக்கை எடுக்கும்.

லஞ்சப்பணம் / கருப்புப் பணம் மூலம் சொத்துகளை வாங்குவோர்,
இந்த தகவல்களை மறைத்து விட முயற்சி செய்கின்றனர் –
சார்பதிவாளர்களின் துணையோடு…!!!!

………

தமிழ்நாட்டின் – பல சார் பதிவாளர் அலுவலகங்களில் பான்கார்டு இணைக்காமலே பத்திரப்பதிவு செய்யப்படுவதாகவும், இதனால்
பல முறைகேடுகள் நடைபெறுவதாகவும் வருமான வரித்துறைக்குத்
தகவல் கிடைத்திருக்கிறது.

அதனடிப்படையில், சந்தேகத்துக்குரிய சார் பதிவாளர்
அலுவலகங்களைக் கண்டறிந்து, அங்கு வருமான வரித்துறையின்
நுண்ணறிவுப் பிரிவு அதிகாரிகள் சோதனை நடத்த முடிவு
செய்திருக்கின்றனர்.

அதைத் தொடர்ந்து, முதற்கட்டமாக –
சென்னைக்கு அருகிலிருக்கும் செங்குன்றம்,
மற்றும் திருச்சிக்கு அருகிலிருக்கும் உறையூர் –
ஆகிய சார் பதிவாளர் அலுவலகங்களில் பத்துக்கும் மேற்பட்ட
அதிகாரிகள் கடந்த 4-ம் தேதி சோதனை மேற்கொண்டு, கோப்புகளை ஆய்வுசெய்தனர். 16 மணி நேரத்துக்கும் மேலாக நடந்த இந்தச்
சோதனையில் பல்வேறு முக்கிய ஆவணங்கள் கிடைத்திருப்பதாக
வருமான வரித்துறை வட்டாரங்கள் தெரிவித்திருக்கின்றன.

இது குறித்து வருமான வரித்துறை அதிகாரிகள், “உறையூர்,
செங்குன்றம் ஆகிய இரண்டு இடங்களில் நடந்த சோதனையில்,
பான்கார்டு இணைக்கப்படாமல் செங்குன்றத்தில் ரூ.2,000 கோடி,
உறையூரில் ரூ.1,000 கோடி மதிப்பிலான பத்திரப்பதிவுகள்
நடந்திருப்பது முதற்கட்ட ஆய்வில் தெரியவந்திருக்கிறது. மேலும்,
ஆய்வுகள் தொடர்ந்து நடந்துவருகின்றன”
எனத் தெரிவித்திருக்கின்றனர்.

அதைத் தொடர்ந்து, சென்னை, திருநெல்வேலி மண்டலங்களைச்
சேர்ந்த மாவட்ட பதிவாளர்கள் 36 பேரை அதிரடியாகப் பணியிட
மாற்றம் செய்து பதிவுத்துறை செயலர் ஜோதி நிர்மலாசாமி நேற்று
முன்தினம் உத்தரவிட்டார்.

இந்த நிலையில், நேற்று சென்னை மண்டலத்துக்குட்பட்ட சென்னை, செங்கல்பட்டு, காஞ்சிபுரம், திருவள்ளூர் உள்ளிட்ட மாவட்டங்களைச்
சேர்ந்த 78 சார் பதிவாளர்களையும் கூண்டோடு மாற்றி உத்தரவு பிறப்பித்திருக்கிறார்….

(மேலே இருப்பது செய்தி மட்டும் ….. இனி – நாம் … )

…………………………………….

இது எப்படி நடந்திருக்க முடியும் …?

ஒரு பத்திரத்தை பதிவுசெய்ய – ஆதார் கார்டு, பான் கார்டு மற்றும்
புகைப்படம் ஆகியவை அடிப்படை தேவைகள் ஆயிற்றே….
இவை இல்லாமல் ஒரு ரெஜிஸ்டிரார்(பதிவாளர்) எப்படி ஓப்புதல்
அளித்து, அந்த பதிவில் கையெழுத்து போட்டிருக்க முடியும்….?

முதல் பார்வையிலேயே -லஞ்ச ஊழல், மோசடி –
வெட்ட வெளிச்சமாகத் தெரிகிறதே….

இதில் பணிமாறுதல் எப்படி உதவும்…? புதிய இடத்திற்கு போய் அங்கேயாவது மாட்டிக்கொள்ளாமல் ஊழல் செய்யுங்கள் என்று உதவியா …?

சம்பந்தப்பட்ட சார்பதிவாளர்கள் உடனடியாக சஸ்பெண்டு ( பணியிடை நீக்கம்) செய்யப்பட்டிருக்க வேண்டாமா ….?

மேலேயிருந்து உத்திரவுகள் இல்லாமல், மேற்படி சார்பதிவாளர்
அலுவலக பொறுப்பாளர்கள் இதைச் செய்திருக்க முடியுமா….?

இந்த தில்லுமுல்லுகளில் அமைச்சர்கள் வரையில் நிச்சயமாக
சம்பந்தப் பட்டிருக்கவேண்டும்… 2018 முதல் 2023 ஏப்ரல் வரையிலான
காலம் என்று சொல்லும்போது, திமுக, அதிமுக ஆகிய இரண்டு
கட்சிகளின் முக்கியஸ்தர்களுக்கும் இதில் நிச்சயம் பங்கு
இருக்க வேண்டும்.

வருமான வரி இலாகா, வரி ஏய்ப்பு என்கிற கோணத்தில் மட்டுமே
இந்த விஷயத்தை அணுகும்…அபராதத்துடன் வழக்கை முடிவுக்கு கொண்டு வந்து விடும்.

ஆனால், வரி ஏய்ப்பின் பின்புலத்தில், லஞ்ச ஊழல், மோசடி, ஏமாற்றுதல்
போன்ற கிரிமினல் குற்றங்களும் அடங்கியிருக்கின்றன என்பதால்,
இதனை முற்றிலுமாக, விவரமாக விசாரணை செய்து,
சம்பந்தப்பட்டவர்களின் பெயர்களை பட்டவர்த்தனமாக
பொதுவெளியில் அறிவிக்க வேண்டும். சட்டரீதியாக கிரிமினல் வழக்குகள் பதிவு செய்யப்பட்டு, சம்பந்தப்பட்ட சொத்துகளை கருப்பு பணம் கொண்டு வாங்கியவர்கள், உடந்தையாக இருந்த சார்பதிவாளர்கள் ஆகியோர் மீது உரிய மேல் நடவடிக்கைகளை தொடரவேண்டும்.

என்ன – 20 ஆண்டுகள் கழித்து, வழக்குகள் ஒருவழியாக முடிந்து, சம்பந்தப்பட்ட ஊழல்வாதிகள் மீது – குற்றம் சந்தேகமற்ற முறையில் நிரூபிக்கப்படவில்லை, போதிய சாட்சியங்கள் இல்லை என்று தீர்ப்புகளில் கூறப்பட்டு –

தண்டனையிலிருந்து தப்பி, அந்த பிசாத்துகள் – சிரித்துக்கொண்டே வெளியே சுதந்திரமாக உலா வந்தாலும் கூட –

குறைந்த பட்சம், அந்த பெருச்சாளிகளின் பட்டியலாவது
பொதுமக்களின் பார்வைக்கு வந்தால்,

நீதிமன்ற தண்டனையிலிருந்து தப்பினாலும், பொதுமக்கள் தீர்மானித்துக் கொள்வார்கள், அவர்களை வேறு எந்த வழியில், எப்படி தண்டிப்பது என்று….!!!

.
……………………………………………………………………………………………………………………….