ஏர்டெல் சுனில் மிட்டல் சோனியா
காங்கிரசுக்கு கொடுத்த பணம்  ….

உங்களிடம் தானம் பண்ணக்கூடிய அளவிற்கு
பணம் இருந்தால், யாருக்கு/எதற்காக பணம்
கொடுப்பீர்கள் ?

நீங்களோ, நானோ, ஏன் – நம்மில்
பெரும்பாலானோர்
அநாதை,  ஆதரவற்றோர் இல்லங்களுக்கு,
மனநலம் குன்றியோர் விடுதிகளுக்கு,
இலவச மருத்துவ மனைகளுக்கு,
கல்விக்கூடங்களுக்கு,
கோவில்களுக்கு – கொடுப்போம்.

அரசியல் கட்சிகளுக்கு கொடுப்போமா ?
தீவிரமான கட்சி ஆதரவாளர்களாக இருந்தால்
500, 1000 ரூபாய்   கொடுக்கக்கூடும்.

ஆனால் -ஒன்றல்ல இரண்டல்ல –
ஆயிரம் லட்சங்களை
(அதாவது  பத்து கோடி ) ஒருவர் –
ஊழலை ஒழிக்கவென்றே புதிதாக  அவதாரம்
எடுத்திருக்கும் சோனியா காந்தியின்
தலைமையிலான காங்கிரஸ் கட்சிக்கு
தானம் கொடுத்தார்  என்றால் அவர்
சும்மாவா கொடுத்திருப்பார் ?

உங்களையும் என்னையும் –
பேசுங்கள்,
பேசுங்கள்,
பேசிக்கொண்டே இருங்கள் என்று சொல்லி பணம்
பண்ணுகிறார்களே  தொழிலதிபர் சுனில் பார்தி
மிட்டலின் ஏர்டெல் செல்போன்  நிறுவனத்தார் –

அவர்கள் தான் 2008-2009 நிதியாண்டில்
காங்கிரஸ் கட்சிக்கு ரூபாய் பத்து கோடியை
தானமாகக் கொடுத்திருக்கிறார்கள்.

வருமான வரி இலாகாவிற்கு, காங்கிரஸ் கட்சி
கொடுத்துள்ள  அதிகார பூர்வமான கணக்கு  இது !

பதிலுக்கு ஏர்டெல் நிறுவனம் பெற்ற அல்லது பெற
விரும்பிய லாபம் எதுவோ ?

ஆஆஆ….  ராஜாவுக்கே  வெளிச்சம் !