……………………………………………….

……………………………………………….

குமுறிக்கொண்டிருந்தது வெடித்து விட்டது …
எடப்பாடியாரின் அதிமுக – பாஜக-வுடன் உறவை முறித்துக்
கொண்டு விட்டது….

இனி என்னவெல்லாம் ஆகும் …?

• உடனே அல்ல …. இன்னும் கொஞ்ச நாட்களுக்குப் பிறகு,
  தங்கள் ஆதரவாளர்களை திரட்டி, ஒருங்கிணைத்துக் கொண்ட
  பிறகு – இரண்டு ” மணி ” களும், வெளியே வந்து,
  எடப்பாடியார் ஒரு சர்வாதிகாரி, தன் இஷ்டம் போல் எதையும்
  தீர்மானித்துக் கொள்கிறார். அவர் பின்னால் போனால்,
  கட்சி காணாமல் போய் விடும் என்று கூறி அதிமுக-வின்
  4-வது பிரிவை ( முதல் மூன்று – எடப்பாடி, ஓபிஎஸ், டிடிவி)
  வெற்றிகரமாக் கொடிதூக்கி உயர்த்திப் பிடித்து துவக்கி வைப்பார்கள்….
• தேர்தலில் அவர்கள் பாஜக-வுடன் கூட்டணி வைப்பார்கள் என்று
  சொல்ல வேண்டிய அவசியமே இல்லை.
• திமுக தனது பழைய கூட்டணி கட்சிகளுடன் சீட்டைக்
  குறைத்தால், அவை முறைத்துக் கொண்டு வெளியேற
  எடப்பாடியார் வலைவீசி காத்திருப்பார்
  –
• விசிக, மதிமுக அப்படிச் செல்ல வாய்ப்புண்டு. கம்யூனிஸ்டுகளும் கூட.
• தேமுதிக, தமாகா, பாமக – அநேகமாக பாஜகவுடன்
  போக வாய்ப்புண்டு. ஓபிஎஸ், டிடிவி – உறுதியாக
  பாஜகவுடன் தான்.

இந்த நிலை ஏற்படுமானால் – திமுக கூட்டணி 39-க்கும்
39 தொகுதிகளிலும் அவசியம் வெற்றிக்கொடி நாட்டும்….😊😊😊

பாஜக கூட்டணியும் சரி, எடப்பாடியார் கூட்டணியும்
சரி – பூஜ்ஜியம் தான்.😢😢

இந்த நிலையைத் தவிர்க்க –
நிஜமாகவே இன்னமும் 2 சூழ்நிலைகளால் சாத்தியப்படும்…..

ஒன்று – ஆசை காட்டியோ, பணம் கொடுத்தோ, பயமுறுத்தியோ –
திமுக-வை இரண்டாகப் பிளப்பதில் பாஜக வெற்றி பெற்றால் …..

இரண்டு – காங்கிரசை திமுக கூட்டணியை விட்டு வெளியேறி
தங்களுடன் சேர்க்கும் முயற்சியில் எடப்பாடியார் வெற்றி பெற்றால்….

( பாஜக, திமுகவை பிளப்பதில் வெற்றி பெற்றால், காங்கிரசை
தங்களுடன் இழுப்பதில், எடப்படியார் மிகச்சுலபமாக
வெற்றி பெற்று விடுவார்….)

இதெல்லாம் ஜஸ்ட் இன்றைய தேதிக்கான அனுமானங்கள் தான்….

• தேர்தலுக்கு இன்னமும் 7 மாதங்கள் இருக்கையில் –
  பாஜக கையில் பலம் வாய்ந்த இரண்டு ஆயுதங்கள் இருக்கையில் –
  என்ன வேண்டுமானாலும் நடக்கலாம்….😊😊😊

.
…………………………………………………..