…..

தனது பாணியிலான நிழல் பட்ஜெட் மூலம் இப்போதும்,
பாமக தலைவர் டாக்டர் ராமதாஸ் அவர்கள் சில
ஆலோசனைகளைக் கூறி இருக்கிறார்….

அவரது நிழல் பட்ஜெட்டிலிருந்து சில
நல்ல திட்டங்களை கீழே வடிகட்டி என்னுடைய
வார்த்தைகளில் தருகிறேன்.

……………

• டாஸ்மாக் கடைகள் முற்றிலுமாக மூடப்பட வேண்டும்….
• பள்ளி மாணவர்களுக்கென தனியாக இலவச பேருந்து
  இயக்கப்பட வேண்டும்….

( தற்போது பள்ளி மாணவர்கள் பஸ்ஸில் பயணிக்கும்
நிலை, அபாயகரமானது, அவலமானது…பள்ளி நேரங்களில்,
யுனிஃபார்ம் அணிந்திருக்கும் அனைத்து மாணவ,
மாணவிகளையும் மட்டும் ஏற்றிச் செல்லும் வகையில்,
தனி, இலவச பஸ் வசதி – மிகவும் பயனுள்ளதாக இருக்கும்.)

• தமிழகம், 60 மாவட்டங்களாக
  பிரிக்கப்பட வேண்டும்…

( மாவட்டங்கள் நிர்வாக வசதி கருதி சிறியதாகவும்,
மாவட்ட தலநகரங்களுக்கு அந்த மாவட்ட மக்கள் சுலபமாக
வந்து போகக்கூடிய தூரத்திலும் இருக்க வேண்டும்…)

• தமிழக சட்டப்பேரவை குறைந்தது ஆண்டுக்கு 3 முறையும்,
  100 நாட்களும் கூடி மக்கள் பிரச்சனைகள் குறித்து ஆக்கபூர்வ
  விவாதம் நடத்தப்படுவதை தமிழக அரசு உறுதி செய்ய வேண்டும்.
• தமிழ் நாட்டில், ஐஐடி-க்கு நிகரான 5 சிறப்பான
  தொழில் நுட்பக்கல்லூரிகள், தமிழக அரசின் சார்பில்
  துவக்கப்பட வேண்டும்.
• சிகரெட் பிடிக்கும் பழக்கத்தை ஒழிக்க, படிப்படியாக
  முயற்சிகள் எடுக்க வேண்டும்.
• சூரிய ஒளி மின் திட்டத்தை -பெரிய அளவில் கொண்டு
  வர வேண்டும். குறைந்த பட்சம் 5000 மெகாவாட் சூரிய
  ஒளியில் மின்சாரம் தயாரிப்பது உறுதி செய்யப்பட வேண்டும்.
  ஒவ்வொரு ஊராட்சியிலும் சூரியஒளி மின்திட்டங்கள்
  கொண்டு வரப்பட்டு, உள்ளூர் மின் வசதி திட்டங்களுக்கு
  அவை செயல்படுத்தப்பட வேண்டும்.
• தமிழ் நாட்டில் உள்ள அனைத்து பள்ளிகளும், மத்திய அரசின்
  கேந்திரிய வித்யாலயா அளவுக்கு தரம் உயர்த்தப்பட வேண்டும்.
  சிபிஎஸ்சி திட்டத்தை விடவும் சிறப்பானதாக தமிழக
  பள்ளிகளின் கல்வித்திட்டம் உருவாக்கப்பட வேண்டும்.
• பள்ளி, கல்வித்துறை வளர்ச்சிக்காக், பெரும் தொழில்
  நிறுவனங்களிடமிருந்தும், தனியாரிடமிருந்தும்
  நன் கொடைகள் பெறப்பட்டு, வசதிகள் மேம்படுத்தப்பட வேண்டும்.

–

தமிழ்நாட்டு மக்கள் அனைவருக்கும் முழு மருத்துவ ஆய்வு மேற்கொள்ளப்பட்டு, அது குறித்த விவரங்கள் அடங்கிய
ஸ்மார்ட் அட்டை வழங்கப்பட வேண்டும். அது குறித்த விவரங்களை
பதிவு செய்ய மருத்துவ தகவல் மேலாண்மை அமைப்பு
உருவாக்கப்பட வேண்டும் . இதன் மூலம் தமிழக மக்கள்
எந்த ஊரிலும், எந்த மருத்துவமனையிலும் சென்று சிகிச்சை
பெற முடியும்.
(- மேலே சொல்லியுள்ள இதே போன்ற மருத்துவ உதவித் திட்டம்,
பிரிட்டனில் ஏற்கெனவே வெற்றிகரமாக அமல்படுத்தப்பட்டு, நடைமுறையில் உள்ளது -)

• தமிழ்நாட்டில் நேரடி நெல் கொள்முதல் நிலையங்களின்
  எண்ணிக்கை 2,654 -ல் இருந்து 3,500ஆக உயர்த்தப்பட வேண்டும்.
  நெல் சேமிப்புக் கிடங்குகளின் எண்ணிக்கையும் 400ஆக
  உயர்த்தப்பட வேண்டும்.
• தமிழ்நாட்டில் தரிசு நிலங்களில் சீமைக்கருவேல மரங்களை அழித்துவிட்டு, பனை மரம் நடும் திட்டம் செயல்படுத்தப்பட
  வேண்டும்.
• முதலீடு திரும்ப எடுக்கப்பட்ட சுங்கச் சாவடிகளில்
  சுங்கக் கட்டணம் வசூலிக்கப்படுவதை இரத்து செய்யவும்,

பராமரிப்பில்லாத சாலைகளில் 40% கட்டணம் மட்டும்
செலுத்தினால் போதும் என்று அறிவிக்கவும் மத்திய அரசை,
தமிழக அரசு வலியுறுத்தி முடிவெடுக்கச் செய்ய வேண்டும்.

• சென்னை – கன்னியாகுமரி கிழக்குக் கடற்கரை சாலை
  8 வழிச்சாலையாக மாற்றப்பட வேண்டும்.
• உலகம் முழுவதும் சுமார் 150 நாடுகளில் வாழும் தமிழர்களின் குழந்தைகளுக்கு தமிழ் கற்பிப்பதற்காக இணையவழி
  தமிழ் கற்பித்தல் சேவை தொடங்கப்பட வேண்டும். இதற்காக
  தனியே இணையதளம் தொடங்கப்பட்டு, அதன் மூலம் தமிழ்
  கற்பிக்கப்பட வேண்டும்.
• இணையவழியில் தமிழ் கற்கும் வெளிநாடு வாழ் தமிழர்களுக்கு
  இணைய வழியிலேயே தேர்வுகள் நடத்தப்பட்டு, அதற்கான
  சான்றிதழ்களும் வழங்கப்பட வேண்டும்.
• தமிழ்நாட்டில் உள்ள தனியார் தொழில் மற்றும் வர்த்தக
  நிறுவனங்களில் மாத வருமானம் ரூ.40,000 வரை உள்ள வேலைகளை
  80% தமிழர்களுக்கு மட்டுமே வழங்கப்பட புதிதாக சட்டம் ஒன்று
  இயற்றப்பட வேண்டும்.

( டாக்டர் ராமதாஸ் அவர்கள் மேற்கண்ட திட்டங்களுக்கான,
நிதியை எப்படி திரட்டுவது என்பதைக் குறித்தும்,
யோசனை கூறி இருந்தால், யோசனைகள் – இன்னமும்
பொறுப்புள்ள யோசனைகளாக இருந்திருக்கும்…)

……………….

நாளை வெளியிடப்படவிருக்கும் தமிழக பட்ஜெட்டில்
டாக்டர் ராமதாஸ் அவர்களின் சிறப்பான மேற்கண்ட
ஆலோசனைகளையும் முடிந்த அளவிற்கு தமிழக அரசு
உட்கொள்வது பயனளிப்பதாக இருக்கும். தமிழக நிதியமைச்சர்,
ஈகோ பார்க்காமல் யோசிக்க வேண்டும்.

.
……………………………………………….