முன்னாள் மத்திய தகவல் மற்றும் தொலை தொடர்பு
(டெலிபோன்) துறை அமைச்சரும்,
2ஜி வழக்கின் மூலம் அனைவருக்கும் தெரிந்தவருமாகிய
திருவாளர் ஆ.ராசா மீது –

மத்திய புலனாய்வுத் துறை, லஞ்ச ஊழல் வழக்கு ஒன்றை
பதிவு செய்வதற்கு (வருமானத்திற்கு மேல் 28 கோடி ரூபாய்
வைத்திருந்ததாக….) மத்திய அரசிடம் அனுமதி கோரி
இருப்பதாக – டெல்லி தொலைக்காட்சிகள்
தெரிவிக்கின்றன….

டெல்லி வெகு தொலைவில் இருப்பதால் –
நமது தமிழ் தொலைக்காட்சிகள் மற்றும்
செய்தி ஊடகங்களுக்கு இந்த தகவல் கிடைக்கவில்லை போலும்.
அதனால், அவை இந்த செய்தியை இன்னமும் வெளியிடவில்லை

ஆனாலும், எத்தகைய வழக்குகள் வந்தாலும்,
எத்தனை வழக்குகள் வந்தாலும் –

ஆ. ராசா – அவைகளிலிருந்து தப்பித்து –
“தகத்தகாய சூரியனாய்” வெளிவந்து விடுவார் …

ஆனானப்பட்ட 2-ஜி யிலேயே தப்பித்து வந்தவருக்கு
இதெல்லாம் வெறும் ஜுஜுபி ….!!!
எனவே, அவரது ஆதரவாளர்கள் யாரும் கவலை கொள்ள வேண்டாம்……..!!!

” லஞ்சத்தின் வாழ்வுதனை -அவ்வப்போது
சிபிஐ புகுந்து மிரட்டும்….
ஆனால் – இறுதியில் லஞ்சமே வெல்லும்….”

.
………………………………………..