…

…

…

“திராவிட இந்திக்காரரும் உண்டு…” ( ??? )

“திராவிடத் தமிழர் என்றால் –
ஆதிக்கத்தை எதிர்ப்பவர்கள்…” ( !!!)

“சாதி, ஆணாதிக்கத்தை எதிர்ப்பவர்கள்
எல்லோரும் திராவிடர் தான் “…(!!!!!!!!!!!!!!!!!!!!!!!!!!!!!!!!!!!! )

——————————

இது – பேராசிரியர் சுப.வீரபாண்டியன் அவர்கள்
கரூரில் உளறியதன் ஒரு பகுதி….
இந்த உளறல் – நேற்றைய தமிழ் இந்து வலைத்தளத்தில்
வெளியாகி இருக்கிறது…

( https://www.hindutamil.in/news/tamilnadu/518992-suba-veerapandiyan-interview-about-keeladi-1.html )

——————–

” கீழடியில் கண்டறியப்பட்டது திராவிட நாகரிகமா?
தமிழர் நாகரிகமா? என கேட்கின்றனர். அது திராவிடத்
தமிழர் நாகரிகம்.

எப்படியென்றால் தென்னை மரம், மல்லிகைப்பூ
என்கின்றனர். தென்னை என்றாலே மரம்தான்.
மல்லிகை என்றாலே பூ தான்.

மரம் பொதுப்பெயர், தென்னை என்பது தனிப்பெயர்.
இது இரு பெயரொட்டு பண்புத்தொகை. அப்படிதான்
திராவிட தமிழர் என்பதும் இரு பெயரெட்டு
பண்புத்தொகை. திராவிடத் தெலுங்கர், திராவிட கன்னடர்,
ஏன் திராவிட இந்திக்காரரும் உண்டு.( 🙂 🙂 )

திராவிடத் தமிழர் என்றால் ஆதிக்கத்தை எதிர்ப்பவர்கள். ( 🙂 )
சாதி, ஆணாதிக்கத்தை எதிர்ப்பவர்கள் எல்லோரும்
திராவிடர்கள்தான். ( 🙂 ) இதை அகராதியில் தேடவேண்டாம்.
வரலாற்றில் தேடுங்கள்….”

—————————————–

எதாவது புரிகிறதா…?
சாதாரணமான ஆசாமிகள் பேசினால் புரியும்…
பேராசிரியர்கள் உளறினால்…?

………………………………………..

இதுவரை கீழடியில் கண்டுபிடிக்கப்பட்ட பொருட்கள் –
தமிழர் வாழ்க்கையை பிரதிபலிப்பவை என்றும் –
கி.மு.6-ஆம் நூற்றாண்டைச் சேர்ந்தவை என்று
உறுதி செய்யப்பட்டுள்ளன. இதுவே தற்காலிகம் தான்.
இன்னும் ஆராய்ச்சியை தொடர்ந்தால், இதை விட
தொன்மையான பல பொருட்கள் கிடைக்க
நிறைய வாய்ப்பிருக்கிறது.

கி.மு.6-ஆம் நூற்றாண்டில், தமிழைத்தவிர வேறு
எந்த மொழியும் விந்தியத்திற்கு தெற்கே பிறந்திருக்கவில்லை.

பின் எங்கே வந்தது திராவிடம்…?

கன்னடம் – கி.பி.5-ஆம் நூற்றாண்டிலும்,
தெலுங்கு – கி.பி.6-ஆம் நூற்றாண்டிலும்,
மலையாளம் – கி.பி.9-ஆம் நூற்றாண்டிலும் –
உருவாயின என்று என்சைக்கிளோபீடியா பிரிட்டானிகா
உறுதி செய்கிறது..

—————————————–

தமிழைத்தவிர வேறெந்த மொழியும் இந்த மண்ணில்
தோன்றாத காலத்தே –

இந்த பேராசிரியர் எதற்காக இங்கே திராவிடத் தமிழர்
என்று இல்லாத மற்ற மொழிகளை இழுத்துக்கொண்டு
வருகிறார்…?

எந்த கன்னடியராவது,
எந்த தெலுங்கராவது,
எந்த மலையாளியாவது –
தங்களை –
திராவிட-கன்னடியர்,
திராவிட-தெலுங்கர்,
திராவிட-மலையாளி என்று சொல்லிக்கொண்டு
அலைகிறார்களா….?

நான் இந்தியாவின் பல மாநிலங்களிலும்
தங்கி – பணியாற்றி இருக்கிறேன்.
மொத்த இந்தியாவிலும் – தமிழ்நாட்டைத்தவிர
வேறு எங்குமே இந்த ஆரியர்-திராவிடர் பேச்சே இல்லை.

திராவிடம் என்பது ஒரு இனமே அல்ல…
பூகோள ரீதியாக, விந்திய மலைக்கு கீழே – தெற்கே
இருக்கும் பிரதேசத்திற்கு திராவிடம் என்று பெயர்…
அவ்வளவு தான். திராவிட இனம் என்று ஒன்று
கிடையவே கிடையாது…

“திராவிடர்” என்கிற சொல்லை ஆங்கிலேயர் தங்களது
சுயநலத்திற்காக, பிரித்தாள்வதற்காக உருவாக்கினார்கள்…
இந்த கூட்டம் அதை தங்களது சுயநலத்திற்காக,
தொடர்ந்து மேலெடுத்துச் சென்றது – செல்கிறது….!!!

தமிழ் மக்கள் எப்போதோ விழித்துக் கொண்டு விட்டார்கள்.
இவர்களின் திராவிட வேடம் கலைந்து, கிழிந்து
கந்தலாகத் தொங்கி நீண்ட நாட்களாகி விட்டன.

இனியும் இங்கே வேண்டாம் –
“திராவிட” என்கிற மோசடி வார்த்தை…

உலகிலேயே மூத்த மொழியான –
தமிழைத் தாய்மொழியாக கொண்ட நமக்கு
“தமிழன்” என்கிற அடையாளமே போதும்…

கீழடி காலத்தில் நாம் “தமிழன்” மட்டும் தான் –
பிறகு ஆங்கிலேயர் காலத்தில் ஒரு குடையின்
கீழ் வந்ததால் – “இந்தியன்” ஆகவும் ஆனோம்.
இடையில் எதற்கு இந்த திராவிடக் கும்மி….?

திராவிடர்கள் என்று சொல்லி –
கும்பலில் கொண்டுபோய் விட்டுவிடும்
முயற்சிகள் இனியும் இங்கே வேண்டாம் …
திருவாளர் சுப.வீ. முதலில் தனது
“இந்தி திராவிடர்கள்” என்பதற்கு
விளக்கம் சொன்னால் தேவலை…!!!

.
———————————————————————————————————–