நான்காவது  தூண் – விளம்பரத்திற்கு விலை போகலாமா ?

இன்றைய  தினம்  “இந்து”  ஆங்கில நாளிதழில்  வெளிவந்திருக்கும்
இரண்டு  அரை  பக்க  வண்ண  விளம்பரங்களைத்தான்  மேலே
பார்க்கிறீர்கள் ! ஒரே  நாளில்,  ஒரே  நிகழ்ச்சிக்காக,   ஒரே நாளிதழில்,
இரண்டு   அரை பக்க  வண்ண  விளம்பரங்கள் ! ஆங்கில  நாளிதழில்   முழுக்க  முழுக்க  தமிழ் மொழியில்
அரசு விளம்பரங்கள் !! இதன் உண்மை அர்த்தம் என்ன ? இந்த  விளம்பரங்கள்  மக்களுக்கு
நிகழ்ச்சியைப் பற்றிய செய்தியை மட்டுமா  சொல்கின்றன ?
விளம்பரங்களின்  மூலம் இந்த செய்தித்தாளையே  விலைக்கு வாங்கும்
முயற்சியையும் சேர்த்தே சொல்லுவதாகத்  தோன்றவில்லை ?

அரசாங்கத்தின்  செயல்பாட்டை  அலசி ஆராய்ந்து –
குறைகளையும், நிறைகளையும்
மக்களுக்கு எடுத்துச் சொல்லி பொதுக்  கருத்தை
(public opinion) உருவாக்க  வேண்டியது  நாளிதழ்களின்
கடமையும்  பொறுப்பும்  இல்லையா ?

அண்மைக்  காலங்களில் “இந்து” நாளிதழில் தமிழ் நாடு அரசைப்பற்றிய
எந்த விமரிசனமும்  இல்லாததற்கு இத்தகைய  விளம்பரங்கள்  தான்
காரணமோ ? இந்து வாசகர்கள்   இவற்றை  எல்லாம்  அறியாதவர்களா ?
பத்திரிகை  வேண்டுமானால்  விளம்பரத்திற்கு  மயங்கலாம் –
விலை  போகலாம் ! வாசகர்கள் ஏமாளிகள் அல்ல !!