…

கீழே இருப்பது – அதிகாரபூர்வமாக, கணக்கில் காட்டப்பட்டுள்ள பணம் … மற்றபடி கணக்கில் காட்டப்படாமல் கொடுத்த பணம் எவ்வளவோ…சம்பந்தப்பட்டவர்கள் மட்டுமே அறிந்த உண்மை அது…!!!

அரசியல் கட்சிகள் ஒவ்வொன்றும் 20,000 -க்கு மேல் தாங்கள் பெறும் நன்கொடை பற்றிய விவரங்களை தேர்தல் கமிஷனுக்கு தெரிவித்தாக வேண்டும் என்கிற சட்ட விதியின் அடிப்படையில், 2013-14-ஆம் நிதியாண்டில் பாஜக பெற்ற நன்கொடை
விவரங்கள், அதன் தலைமை அலுவலகத்தால், தேர்தல் கமிஷனுக்கு அனுப்பப்பட்டிருக்கிறது…. அந்த விவரங்களை ADR (Association for Democratic Reforms) அமைப்பு வெளியிட்டிருக்கிறது.

அதிலிருந்து ஒரு பகுதி கீழே –
..

..

மேலே உள்ள ஆவணத்தின்படி, தூத்துக்குடி ஸ்டெர்லைட் நிறுவனம் பாஜகவுக்கு, தங்களது ICICI வங்கிக்கணக்கிலிருந்து, காசோலை எண் 837331 மூலம் 4 கோடி ரூபாயும், காசோலை எண் 837332 மூலம் மூன்றரை கோடி ரூபாயும், 2014 தேர்தலுக்கு சற்று முன்னதாக அளித்திருப்பது தெரிய வருகிறது…. ஆட்சிக்கு வரப்போகிறவர்கள் யார் என்பதை அவர்களால் முன் கூட்டியே மோப்பம் பிடிக்க முடியாதா என்ன…?

2014-க்குப் பிறகு கொடுத்த விவரங்கள் இப்போதைக்கு வெளியாகவில்லை…!

இப்போதைக்கு இது ஒன்று தான் உடனடியான, ஆதாரபூர்வமான விவரமாக கிடைத்திருக்கிறது என்றாலும் கூட, 2004 முதல் 2015 வரை இதே ஸ்டெர்லைட் நிறுவனம் காங்கிரஸ் கட்சிக்கு 6 கோடி ரூபாய் “கொடை” கொடுத்திருப்பதாக இன்னொரு தகவல் சொல்கிறது.

இதைத்தவிர, நமது “லோக்கல்” கட்சிகளான, திமுக, அதிமுக -வுக்கு எவ்வளவு “கொடை” கொடுக்கப்பட்டது என்கிற விவரங்கள் இப்போதைக்கு கிடைக்காவிட்டாலும் இதைப்போல பலமடங்கு கொடுக்கப்பட்டிருக்கும் என்பதில் ஐயம் ஏதுமில்லை.

ஆனால், அவர்களுக்கு கொடுக்கப்பட்டது அநேகமாக கணக்கில் வந்திருக்காது – முக்கியஸ்தர்களின் பாக்கெட்டுகளுக்குப் போயிருக்கும் என்பதும் புரிந்து கொள்ளக்கூடியதே….

தூத்துக்குடி போராட்டங்களில், நமது முக்கிய கட்சிகள் “காட்டிய அக்கறை” எத்தகையது என்பதை இந்த விவரங்களின் மூலம் “ஓரளவு” தெரிந்துகொள்ளலாம்…!

——————————————————————————————————————-