…

……… கூடுகிறது.

……: கர்நாடகா வக்கீலைப் பார்த்து – என்ன… தமிழ்நாட்டிற்கு 4 டி.எம்.சி. நீர் திறந்து விட்டீர்களா…?

க.வ…..: யுவர் ஹானர்… ஒரு சிறிய சந்தேகம்… விளக்கம் தேவைப்படுகிறது. விளக்கம் கொடுத்து விட்டால் அதன் பிறகு செயல்படுகிறோம்.

……..: அப்படி என்ன சந்தேகம்…?

க.வ. : அப்படி பெரிதாக ஒன்றுமில்லை. முன்னால் மத்திய அரசுக்கு “ஸ்கீம்” என்கிற வார்த்தைக்கு அர்த்தம் தெரியாமல் போயிற்றே… அது மாதிரி தான்…!

……….: உங்களுக்கு கொடுக்கப்பட்ட உத்திரவில் என்ன சந்தேகம்…?

க.வ.: மை லார்டு… டூ ப்ளஸ் டூ ; ஃபோர் டி.எம்.சி என்று சொல்லப்பட்டது. ஆனால், இந்த ஃபோர் டி.எம்.சியை எந்தெந்த அணையிலிருந்து கொடுக்க வேண்டும் என்பதில் தான் சந்தேகம். நன்றாகவே படித்துப் பார்த்து விட்டோம். அதைப்பற்றி உத்திரவில் எதுவும் இல்லையே… 4 அணைகள் இருக்கின்றனவே… எது எதிலிருந்து எத்தனையெத்தனை டி.எம்.சி. கொடுப்பது….?

……….: இது வழக்கை தேவையில்லாமல் இழுத்தடிக்கும் வேலை. இத்தகைய போக்கை அனுமதிக்க முடியாது.

க.வ.: இந்த வழக்கில், இதற்கெல்லாம் ஏற்கெனவே முன்னுதாரணம் இருக்கிறது. இந்த மாதிரி அர்த்தம் புரியாமல் விளக்கம் கேட்பது சகஜம் தான் மை லார்டு.

………: நீங்கள் எங்கிருந்து வேண்டுமானாலும் கொடுங்கள். ஆனால் 4 டி.எம்.சியை கொடுத்தேயாக வேண்டும்… இந்த உத்திரவை நிறைவேற்றத் தவறினால் கடுமையான விளைவுகளை எதிர்நோக்க வேண்டியிருக்கும்.

க.வ.: இங்கே மீண்டும் ஒரு விளக்கம் தேவைப்படுகிறது மை லார்டு. ஆனால், இந்த விளக்கத்தை அடுத்த முறை கூடும்போது கேட்டுக்கொள்கிறோம்.

……..: நீங்கள் மீண்டும் மீண்டும் தாமதப்படுத்த முயற்சிக்கிறீர்கள்… என்ன விளக்கம்… இப்போதே கேளுங்கள்…

க.வ.: ஒன்றுமில்லை மை லார்டு. சின்ன விஷயம் தான். உத்திரவை நிறைவேற்றவில்லை என்றால் கடுமையான விளைவுகளை எதிர்நோக்க வேண்டியிருக்கும் என்று இங்கு கூறப்பட்டது…. அந்த கடுமையான விளைவு என்ன என்பதையும் சொல்லி விட வேண்டுகிறோம்.

………: அதை இப்போது சொல்ல வேண்டியதில்லை. எதிர்நோக்கும்போது நீங்களே தெரிந்து கொள்வீர்கள்…. ஆமாம் – அதை ஏன் இப்போது கேட்கிறீர்கள்….? நீங்கள் உத்திரவை நிறைவேற்றப்போவதில்லையா…?

க.வ.: இல்லை மை லார்டு… அந்த கடுமையான விளைவு என்னவென்று தெரிந்தால், உத்திரவை நிறைவேற்றுவதா அல்லது கடுமையான விளைவை எதிர்கொள்வதா என்று அனைத்து கட்சிகள் கூட்டம் ஒன்றை கூட்டி, தீர்மானிக்க வசதியாக இருக்கும்…!!!

ம.அரசு வக்கீல் குறுக்கிட்டு, எங்களுக்கு இன்னும் இரண்டு வார காலம் அவகாசம் வேண்டும் மை லார்டு….

………: ஏன்… எதற்காக….?

ம.அ.வக்கீல் : கேபினட் செக்ரட்டரி மாமியார் வீட்டிற்கு 10 நாட்கள் லீவில் போயிருக்கிறார். அவர் அலமாரியில் தான் ஃபைல் இருக்கிறது…. அவர் வந்தால் தான் ஃபைலை எடுத்து வேலை செய்ய முடியும்….

………: உங்களுக்கு இதே வேலையாகி விட்டது. இனி யாருக்கும் எந்தவித கால அவகாசமும் கொடுக்க முடியாது……

ம.அ.வ. : ஓகே மை லார்டு… கோடை விடுமுறை முடிந்த பிறகு அடுத்த கோரிக்கையை முன்வைக்கிறோம்.

———————————————————————————————-

பின் குறிப்பு – இடுக்கண் வருங்கால் நகுக (வேறு என்ன செய்ய முடியும் நம்மால்…??? )

—————————————————————————————————————