80 வயதிலும் இப்படி ஆசையா …?

————
இந்த இடுகைக்கு முதலில்
நான் யோசித்த தலைப்புகள்-

“இதற்குத் தானே ஆசைப்பட்டீர்கள் மிஸ்டர் சிங் ?”

“இதற்கு ஆசைப்பட்டு தானா –
அத்தனையும் செய்தீர்கள் மிஸ்டர் சிங் ..?”

“ஒன்பதரை ஆண்டுகளில் என்னவெல்லாம்
பார்த்தீர்கள் மிஸ்டர் சிங் ..?”

“ஆறு மாதத்திற்கு – தேர்தலுக்கு -பிறகு
எந்த நாடு மிஸ்டர் சிங் …?”

மேலே இருப்பது நம் உலகம் சுற்றும் வாலிபர் தான்.
அவரது லேட்டஸ்ட் விஜயம் இந்தோனேஷியா
கடலுக்கு அப்பாலிருக்கும் “ப்ருனே தீவு”.
கையைப்பிடித்துக் கொண்டிருப்பது உலகிலேயே
பெரிய பணக்காரரான –ப்ருனே சுல்தானின்
21வதோ 22வதோ –
மனைவி அல்லது துணைவி.

போன வாரம் அவர் இருந்தது அமெரிக்காவில்.
அடுத்த மாதம் இருக்கப்போவது ரஷ்யாவில்.
ராகுல் காந்தியின் கீழ் பணி புரியத்தயாராக
இருக்கிறேன் என்று சொல்லியும் “நான்சென்ஸ்”என்று
சொல்லி விட்டாரே – பதவியை ராஜினாமா செய்வீர்களா
என்று கேட்டதற்கு –
நான் ஊர் திரும்பிய பிறகு ராகுல்ஜி’யிடம்
எதனால் அப்படிக் கூறினீர்கள் என்று கேட்டு தெரிந்து
கொள்வேன். ஆனால் –ராஜினாமா என்கிற பேச்சுக்கே
இடமில்லை என்று கூறியதன் காரணம் –
பின்னணி என்ன என்று இப்போது இன்னும்
நன்றாகவே புரிகிறது !

கடந்த ஒன்பதரை ஆண்டுகளில் இவர் இன்னும்
சுற்றாத/பார்க்காத இடம் அனேகமாக –

அண்டார்டிக்,
ஆர்டிக் துருவங்களும்,
சஹாரா, தார் போன்ற பாலைவனங்களும்,
அமேசான் போன்ற காடுகளும் மட்டும் தான் ..
என்று தோன்றுகிறது !

ஒவ்வொரு தடவையும் இவர் போவது தனியாகவா ?
மனைவி, நெருங்கிய உறவினர்கள், நெருங்கிய
நண்பர்கள், பிரதமர் அலுவலக அதிகாரிகள்,
சமையல்காரர்கள், வேலைக்காரர்கள் –
செக்யூரிடி, பத்திரிகை/தொலைக்காட்சி துறைகளைச்
சேர்ந்த வேண்டப்பட்டவர்கள் –
(அமெரிக்க பயணத்தில் கூடச்சென்றவர்களில்
சிலரில் – பர்கா தத், சித்தார்த் வரதராஜன் …
ஆகியோரும் அடங்குவர் !! )

-அத்தனை பேருக்கும் பயணம், நட்சத்திர ஓட்டல்களில்
தங்கல், உணவு, போக்குவரத்து, ஊர்சுற்றிப்பார்க்க
வசதி எல்லா செலவுகளும் ….

ஒவ்வொரு பயணத்திற்கும் வித்தியாசமான உடைகள் வேறு –
இந்த வயதில் இப்படி ஒரு கலர் செலக் ஷன் ..!
இந்த உடை நிச்சயம் ரெடிமேடாக கிடைக்காது.
இந்த பயணத்திற்கு முன்னரே இதற்காக
துணி செல்க்ட் செய்து,
தையல்காரருக்கு அளவு கொடுத்து,
ட்ரயல் பார்த்து –
அப்பப்பா – ஒவ்வொரு பயணத்திற்கும்
எவ்வளவு வேலை … !

இவருடைய ஆசைகளை நிறைவேற்ற இந்த நாடு
மிக அதிகமாகவே விலை கொடுத்து விட்டது …

ஆதர்ஷ்,
காமன்வெல்த் கேம்ஸ்,
2 ஜி,
ஹெலிகாப்டர்,
நிலக்கரி சுரங்கங்கள் – etc. etc….

வீரன் பகத் சிங் பிறந்த அதே மண்ணில் தான்
இப்படியும் ஒருவர் பிறந்திருக்கிறார் !

நாடு எக்கேடு கெட்டால் என்ன …
பெரியவர் ஆசைகள் அனைத்தும்
அடுத்த 6 மாதத்திற்குள் நிறைவேறினால் சரி !