22 Responses to “ஞானி” அவர்களின் ஏற்றுக் கொள்ள முடியாத சில கருத்துக்கள் …

1. ஜோதிஜி சொல்கிறார்:

   4:38 முப இல் நவம்பர் 7, 2012

   பொதுவாக தமிழ்நாட்டில் ஏன் இந்தியாவில் பிரபல்யம் என்பதற்கு நமக்கு தெரியாமல், வெளியே தெரியாத ஒரு முகம் உண்டு. இருக்கும். ஆனால் அவர்களின் வெளியே தெரிகின்ற பிம்பம் வேறு விதமாக இருக்கும்.

   நீங்களும் சென்னையில் இருப்பதால் ஒரு முறை ஞாநி (ஞானி அல்ல) அவர்களை நேரில் சந்தித்துப் பாருங்கள்.

   மற்றவர்களைப் போல ஒரு வட்டத்திற்குள் இருப்பவர் அல்ல. எளிதாக சந்திக்கும் நிலையில் இருப்பவர். கேணி கூட்டங்களில் ஒரு முறை கலந்து கொள்ள முயற்சிக்கவும்.

   மற்றபடி இரண்டு கட்டுரைகளில் உள்ள கருத்துக்களை அவருடன் உரையாடும் போது உங்களால் இன்னமும் பல விசயங்களை புரிந்து கொள்ள முடியும்.

   சொல்லும் செயலும் எண்ணமும் நோக்கமும் ஒரே மாதிரியாக போலித்தனம் எதுவும் இல்லாமல் சமகாலத்தில் வாழ்ந்து கொண்டிருப்பவர்களின் ஞாநி அவர்கள் எனக்கு முதன்மையாக தெரிகின்றார்.

   இது ஞாநி எழுதிய இந்த கட்டுரை குறித்த என்னுடைய விமர்சன கருத்தல்ல. அவரை நீங்கள் ஒரு முறை சந்திக்க வேண்டும் என்பதற்காக.
   • vimarisanam - kavirimainthan சொல்கிறார்:

     2:14 பிப இல் நவம்பர் 7, 2012

     நன்றி ஜோதிஜி,

     இடுகைகளின் உள்ளடக்கத்தைப் பற்றியும்
     உங்கள் கருத்தோட்டத்தை வேண்டுகிறேன்.

     -வாழ்த்துகளுடன்,
     காவிரிமைந்தன்
2. K. Jayadev Das சொல்கிறார்:

   5:15 முப இல் நவம்பர் 7, 2012

   ஒரு பக்கம் மிகவும் உடலை வருத்தி உழைக்கும் மக்கள், இன்னொரு பக்கம் அவர்களின் உழைப்பை நோகாமல் உறிஞ்சத் தெரிந்த பிரிவினர். விரல் விட்டு என்னும் அளவில் உள்ள பணக்காரர்கள், நூறு கோடிக்கும் மேலான சனத்தின் உழைப்பை உறிஞ்சுகிறார்கள். இந்த பாகுபாட்டை உடைக்க வேண்டுமென்பதில் சந்தேகமேயில்லை அனால் ஒரு மணி நேர உழைப்பு எல்லோருக்கும் ஒத்து வராது.

   \\விரும்புகிற ஆணும் பெண்ணும் சேர்ந்து வாழ -திருமணம்
   என்கிற பந்தம் ஒன்று எதற்கு என்று கேள்வி எழுப்புகின்றனர்
   இவர்கள். \\ பொறுப்பில்லாத பேச்சு.
3. R.Puratchimani சொல்கிறார்:

   6:11 முப இல் நவம்பர் 7, 2012

   //உழைப்பு பெருகும். தொழில் வளம் பெருகும்.
   உற்பத்தித் திறன் கூடும். நாட்டின் ஒட்டு மொத்த
   வளர்ச்சி பெருகும்.//

   உலகம் மாசுபடும் , காலநிலை மாறும் , நோய் நொடிகள் வளரும் நாம் வேறு கிரகத்தை நோக்கி பயணிப்போம். 🙂

   //தன் குடும்பத்தை நேசிக்காத ஒருவர் –
   தன் குடும்பத்துக்காக உழைக்கத் தயாராக இல்லாத ஒருவர் –

   எப்படி சமுதாயத்தை மட்டும் நேசிக்க முடியும் ?//

   புத்தன் ,காந்தி,ஏசு ,முகமது நபி, பாரதி, பெரியார்,அன்னை தெரசா, ஐன்ஸ்டின்,எடிசன் இவர்கள் குடும்பத்தையா நேசித்தார்கள் ?

   இவர்கள் வெவ்வேறு தளத்தில் வேலை செய்தாலும் இவர்கள் விரும்பி இரவு பகலாக உழைத்தனர்.அவர்களால் நன்மை விளைந்ததா தீமை விளைந்ததா என்பது வேறு விடயம்.

   கமல் கூட விரும்பியே சினிமா துறையில் உழைக்கிறார். பிணம் எரிக்கும் ஒருவர் கூட தான் விரும்பியே இதை செய்வதாக கூறி இருந்தார்.

   மற்றவர்களை விடுங்கள் புத்தனையும்,வள்ளலாரையும் புரிந்துகொண்டால் நீங்களும் புத்தனாகி விடுவீர்கள்.

   இன்னும் சுருக்கமாக சொல்ல வேண்டுமெனில் கர்ம,பக்தி,யோக,ஞான மார்க்கங்களைத்தான் இப்புவியில் பிறந்தவன் பின்பற்றியாக வேண்டும்.

   இதுபடிதான் உலகம் இயங்கும் இதுவே உலக நியதி. நீங்கள் இப்பொழுது கர்ம மார்க்கத்தில் இருப்பதாக எண்ணுகிறேன்.அடுத்த நிலைக்கு வர முயலுங்கள். இதில் ஒரு சிக்கலான விடயம் ஒன்று உண்டு. ஒரு நிலையில் உள்ளவன் மற்றவர்களை முட்டாளாகத்தான் எண்ணுவான். ஒரு சிலரே அனைத்தையும் புரிந்து கொள்வர். எவ்வுயிரையும் தம்முயிர் போல எண்ணி வாழ்பவனே அவன்.
4. Ganpat சொல்கிறார்:

   8:38 முப இல் நவம்பர் 7, 2012

   நண்பர் கா.மை,அவர்களே,

   ஞாநி கூறியதை நீங்கள் அப்படியே உரை அர்த்தம (literal meaning)செய்வதால் வந்த குழப்பம் இது என நான் நினைக்கிறேன்.அவர் உழைப்பின் மகத்துவத்தையோ,முக்கியத்துவத்தையோ குறைத்து சொல்லவில்லை.உழைப்பு என்ற பேரில் இவ்வுலகில் கோடானு கோடி மக்கள் செக்கு மாடு போல உழல்வதைத்தான் சாடியுள்ளார்.

   இன்று வேலை செய்யும் மக்களிடம் “உங்களுக்கு இந்த வேலை பிடித்துதான் செய்கிறீர்களா?” என்ற வினாவை எழுப்பினால் குறைந்த பட்சம் 80 விழுக்காடு “இல்லை” என்றுதான் பதிலளிப்பர்.இந்த நிலையைத்தான் ஞாநி குறை கூறுகிறார்.

   செவ்வாய் கிரகத்திற்கு ஆளில்லா விணகலம் அனுப்பும் திறன் கொண்ட நமக்கு நம் கிருக நரகலை அள்ள ஆள் தேவைப்படுகிறது .இது ஒரு வேலையா?

   பெரிய நகரங்களில் காணப்படும் தொழிற்நுட்ப வளர்ச்சி ,சிறு நகரங்களிலோ,கிராமங்களிலோ அறவே இல்லை.இது வேலை சுமையை அதிகரித்து வர்க்க வேற்றுமையை உருவாக்குகிறது.நம் நாட்டில் இன்னும் மனிதன் முதுகுதான் மூட்டை தூக்க பயன் படுகிறது.எட்டு மணி நேரம் மூட்டை தூக்கி உழைக்கும் ஒருவன் உறிஞ்சப்படுகிறான்.அவன் உழைப்பு வீண்.ஏனெனில் அது அவன் உடல் நிலையை நிச்சயம் பின்னால் பாதிக்கும்.இதை எதிர்ப்பது உழைப்பதை எதிர்ப்பது ஆகாது.

   ஆனால் ஒன்று …ஊழலும் சுயநலமும்,அதிகார துஷ்பிரயோகமும் மலிந்த நம் நாட்டில் எந்த நல்ல கருத்தும் சந்தேக கண்ணுடன் தான் நோக்கப்படும்.மேலும் “எல்லாரும் எல்லாமும் பெற வேண்டும்” என்பது ஒரு ஒரு “Utopia” -பகல் கனவு.
   700 கோடி பேர் உள்ள இவ்வுலகில் அது சாத்தியம் இல்லை.

   பல்லக்கு இருந்தால், ஒருவனுக்கு உண்ண உணவிருக்கும். .இருவருக்கு அது சுமாரான அளவில் இருக்கும்.அதை ஒழித்து விட்டாலோ, அந்த ஒருவனுக்கு (தொடர்ந்து) உணவிருக்கும்.அந்த இருவரோ பட்டினிதான்.

   நன்றி,
   • vimarisanam - kavirimainthan சொல்கிறார்:

     2:59 பிப இல் நவம்பர் 7, 2012

     நண்பர் கண்பத்,

     //“எல்லாரும் எல்லாமும் பெற வேண்டும்” என்பது
     ஒரு “Utopia” -பகல் கனவு.//

     ஆனால் –

     //ஓரிரு மணி நேரத்துக்கு மேல் பொருள் ஈட்டுவதற்கான
     உழைப்பில் ஈடுபடும் தேவையே இருக்கக் கூடாது.
     மீதி நேரங்களை மனிதர்கள் இசை,
     ஓவியம், சிற்பம், இலக்கியம், விளையாட்டு, கண்டுபிடிப்பு
     என்று அவரவருக்கு மகிழ்ச்சி தரும் விஷயங்களில் மட்டும்
     செலவழிக்கும் வசதி வரவேண்டும்.//

     -என்பது யதார்த்தம் – இதைத்தானே சொல்கிறீர்கள்
     கண்பத் ?

     உங்கள் கருத்துக்களுக்கு நன்றி !

     நான் மேற்கண்ட இடுகையில் இரண்டாம் பகுதியில்
     கூறி இருக்கும் விஷயங்களைப் பற்றியும்
     உங்கள் கருத்துக்களைத் தெரிவிக்கலாமே !

     (விரும்புகிற ஆணும் பெண்ணும் சேர்ந்து வாழ –
     திருமணம் என்கிற பந்தம் ஒன்று எதற்கு ?)

     -வாழ்த்துக்களுடன்,
     காவிரிமைந்தன்
     • Ganpat சொல்கிறார்:

       8:02 முப இல் நவம்பர் 8, 2012

       நண்பர் காவிரி மைந்தனுக்கு இன்னும் சில விளக்கங்கள்:
       1)உங்கள் முந்தைய பதிவில் நான் இவ்வாறு சொல்லியிருந்தேன்:
       //மிக உயர்ந்த கருத்து.ஆனால் இது சாத்தியப்பட திரு ஞாநி அகில உலக சர்வாதிகாரியாக வேண்டும்.(அதாவது அவர் நம்பாத கடவுளுக்கு அடுத்த நிலை)//
       இதற்கு பொருள் இது சாத்தியப்படாத பகல் கனவு என்பதே! அதை நீங்கள் எப்படி யதார்த்தம் என பொருள் கொண்டீர்கள் என விளங்கவில்லை!

       2)திருமண பந்தங்களை பற்றிய கமல்/ஞாநி கருத்துக்களுக்கு நான் உங்கள் பழைய பதிவிலேயே என் கருத்தை சொல்லியிருக்கிறேன்.இப்பொழுது
       அதை மீண்டும் சொல்கிறேன்.இதில் எனக்கு முற்றிலும் உடன்பாடில்லை.
       இன்னும் சூடாக சொன்னால் “அபத்தம்”.மேலும் இவர்களின் கடவுள் மறுப்பு கொள்கையும் எனக்கு உடன்பாடில்லை.சோ அவர்களின் பல அரசியல்/சமூக கருத்துக்களிலும் எனக்கு உடன்பாடில்லை.

       நன்றி.
5. மாற்றுப்பார்வை சொல்கிறார்:

   2:53 பிப இல் நவம்பர் 7, 2012

   அருமை
6. ரிஷி சொல்கிறார்:

   4:19 முப இல் நவம்பர் 8, 2012

   வெறும் ஓரிரு மணி நேரங்களிலான உழைப்பு நடைமுறைக்கு ஒத்துவராது என்றே கருதுகிறேன். எட்டு மணி நேர உழைப்பு என்பது ஏற்றுக்கொள்ளக் கூடியதே. ஆனால் இன்று 12, 14, 16 மணி நேரங்கள் கூட உழைக்கின்றனர். இதுமாதிரியான கடினமான உழைப்புதான் தேவையற்றது. இலக்கியம் படைக்கக்கூட அனுபவங்கள் தேவைப்படுகிறது. அதாவது ஒரு கட்டிடத் தொழிலாளி கொளுத்தும் வெயிலில் நின்று மெய்வருத்தம் பாராது பத்து மணி நேரம் உழைத்தால் அவனது அனுபவங்கள் ஒரு சிறுகதை வடிவமெடுக்கப் பெறலாம். அவன் வெறும் ஒரு மணி நேரம் மட்டுமே பணி செய்து விட்டு சென்றால் நம்மால் இலக்கியம் பெற இயலாது என்று கருதுகிறேன்.

   ஞானி என்றொரு இன்னொரு எழுத்தாளரும் உண்டு. அவரை கோவை ஞானி என்று அழைப்பர். ஆகவே ஞாநி என்று இவர் எப்படி அறியப்படுகிறாரோ அவ்வாறே அழைப்பதும் சரியானது, முறையானது.

   ஞாநி அவர்களின் விருப்பம் சிறந்த ஒன்றே. மார்க்ஸ் சொன்னாரோ, பாரதி சொன்னாரோ விவேகானந்தர் சொன்னாரோ.. யார் வேண்டுமானாலும் சொல்லிவிட்டுப் போகட்டும். ஆனால் அவ்விருப்பம் மோசமான விளைவுகளைத் தோற்றுவிக்கும் என்பதை ஏற்பதற்கில்லை. வாழ்க்கையின் அடிப்படைத் தேவைகளுக்கு பொருளீட்டுவதற்கு உழைப்பை (உடல் மற்றும் மூளை) செலுத்தலாம். அதே நேரம் விருப்பமில்லாவிட்டாலும் எந்நேரமும் பொருளீட்டுவதன் பின்னால் சென்று உழன்று கொண்டே இருப்பதில் என்ன நன்மை இருக்கிறது? மனிதன் அப்படி இருக்கத்தான் பிறந்தவனா?

   இந்த உலகத்தில் எல்லாருக்கும் எல்லாமும் கிடைத்துவிடாது என்று சொல்கிறார்கள். இவ்வுலகத்தில் வாழ எல்லாருக்கும் இயற்கையன்னை அள்ளி அள்ளிப் படைத்திருக்கிறாள். அவற்றை மனிதனே துவம்சம் செய்துவிட்டு முறையற்ற வகையில் நுகர்ந்துகொண்டு சக மனிதனுக்கு எதுவும் கிடைக்கவிடாமல் ஒரு சிலரே தமக்கு இயற்கையை சொந்தமாக்கிக்கொண்டு திரிகிறார்கள். கடைசியில் நாமே இதுதான் யதார்த்தம் என்று முடிவுக்கு வந்துவிடுகிறோம். என்ன கொடுமை இது!

   இப்போதுள்ள சமுதாய அமைப்பு மனிதனை ஒரு அதீத நுகர்வோனாக மாற்றி வருகிறது என்பதை கா.மை ஏற்றுக்கொள்கிறாரா எனத் தெரியவில்லை. தேவையோ தேவையில்லையோ மனிதன் எல்லாவற்றையும் நுகர்ந்துகொண்டே இருக்கிறான். ஒரு சில இடங்களில் அளவற்றுக் குவியும் பணத்தினால் மதிப்பு மிகுந்த மனித உழைப்பு பல இடங்களில் சுரண்டப்பட்டு சக்கையாக்கப்படுகிறது. சொத்துடைமை எனும் கான்செப்ட்தான் இவை எல்லாவற்றிற்கும் அடிப்படையாகிறது. தண்ணீர் பணமாக்கப்படுகிறது. நிலம் பணமாக்கப்படுகிறது. எல்லாமே பணமாக்கப்படுகின்றன. ஆனால் பணம் ஏதாக மாற்றப்படுகிறது? இயற்கை செல்வங்களை அதீதமாய் நுகர்வதற்கே அது பயன்படுகிறது.

   தன் குடும்பத்தைக் கவனித்திராதவர்கள் சமுதாயத்தை காக்க முடியாது என்பதை முற்றுமுழுதாக ஏற்பதற்கில்லை. பகுதியாகவே ஏற்கமுடியும். சோனியா தன் குடும்பத்தை நன்கு கவனிக்கிறார். சமுதாயத்தையும் அதுபோல பாவிக்கிறார் என்று நினைக்கிறீர்களா? காமராஜர் தன் குடும்பத்தை காத்தவர் அல்ல. சமுதாயத்தில் அவரது பங்களிப்பு என்ன? குடும்பத்தையும் சமுதாயப் பங்களிப்பையும் ஒரே தட்டில் ஏந்திச் செல்வது மிகுந்த சவாலான ஒன்று. இருப்பினும் சாத்தியமாகக்கூடியதே!

   முடிவாகச் சொல்வதானால், இப்போதுள்ள சமுதாய அமைப்பில் மனிதனிடமிருந்து வெளிவரும் கலைப்படைப்புகள் அனைத்தும், அறிவியல் சிந்தனைகள் அனைத்தும், மருத்துவ முன்னேற்றங்கள் அனைத்தும் பணத்தை மையமாகக் கொண்டே வெளிவருகின்றன. மூலதனத்தை பெருக்கும் நோக்கில்தான் வருகின்றன. அவனது உன்னதமான உள்ளார்வத்தை வெளிப்படுத்தும் நோக்கில் அல்ல.. அந்த நோக்கு ஒரு byproduct என்பது வெளிப்படை.
7. Ganpat சொல்கிறார்:

   1:04 பிப இல் நவம்பர் 8, 2012

   மிகச்சரியாக சொன்னீர்கள், ரிஷி ஸார்!
   We buy things we do’nt need,
   Using the money we haven’t earned
   To impress those we don’t like
   எனும் மேற்கோள்தான் எனக்கு ஞாபகம் வருகிறது.
   • bandhu சொல்கிறார்:

     9:09 பிப இல் நவம்பர் 8, 2012

     what a wonderful quote! I wonder how i missed this all these years!
8. உண்மைத்தமிழன் சொல்கிறார்:

   2:58 பிப இல் நவம்பர் 8, 2012

   இங்கு ஒருவருக்கு முற்போக்கு எழுத்தாளர் என்று யாராவது எந்த காலத்திலேயாவது முத்திரை குத்தி விட்டால், அவர் எப்போது எதை எழுதினாலும் போற்றி பாராட்ட சிலர் எப்போதும் தயாராகவே இருக்கிறார்கள். அவர் எழுதியதற்கு பதவுரை,பொருளுரை,பொழிப்புரை எல்லாவற்றையும் இவர்களே வழங்குவார்கள். ஈழத்தமிழர்களுக்கு தொடர்ந்து பெரும் துரோகம் இழைத்து எழுதி வரும் இந்த மனிதரை யாராவது ஏனென்று கேட்கிறார்களா ?இவர் என்ன ஞாநோதயம் பெற்ற புத்தரா. இவர் உதிர்ப்பவை எல்லாம் புனிதம் பெற்றவையா? இவர் கருத்து சரியல்ல என்று நீங்கள் விமரிசனம் செய்தால், நீங்கள் பிற்போக்காளர் ஆகிவிடுவீர்களா?காவிரிமைந்தன் அய்யா உங்களைப் போன்ற சிலர் இங்கு அவசியம் தேவைப்படுகிறார்கள்.தயக்கமின்றி தொடருங்கள்.
9. ரமேஷ் சொல்கிறார்:

   3:39 பிப இல் நவம்பர் 8, 2012

   காவிரிமைந்தன் அவர்களின் வாதங்கள் நடைமுறை சாத்தியங்களின்
   அடிப்படையில் அமைந்திருக்கின்றன.
   ஞாநி அவர்களின் எழுத்து கனவுலகில் மிதப்பவரின் நடக்கவொண்ணாத பேச்சாகப் படுகிறது.நமக்கு தேவை நடைமுறையா அல்லது கனவா என்பது தான் கேள்வியாக இருக்க முடியும். சமூகவியல் எழுத்தாளர்கள் சமுதாயத்திற்கு எது தேவையோ, அதைத்தான் எழுத வேண்டும். வறட்டுத்தனமான தத்துவங்களை அள்ளி வீசுவதால் யாருக்கென்ன பயன் ? “எனக்கு வேலை செய்யவே பிடிக்காது /ஒரு மணி நேரம் வேலை செய்வதே அதிகம்”என்று ஒருவர் எழுதுவதும் ஊருக்கும் அதையே உபதேசம் செய்வதும் நிச்சயமாக பாராட்டக்கூடியவையே இல்லை. இந்த
   வார்த்தைகளை யாராவது தங்கள் பிள்ளைகளுக்கு கூற முடியுமா? கடினமாக உழைக்கும் மக்களின் சுமை குறைக்கப்பட வேண்டும் என்கிற வாதத்தை இப்படியா சொல்வது ?
   காவிரிமைந்தன் அவர்களே- உங்கள் வாதம் எனக்குப் புரிகிறது. ஏற்கெனவே அங்கீகரிக்கப்பட்டவர்களின் கருத்துக்களை விமரிசனம் செய்யும்போது ஏற்படக்கூடிய பாதிப்பு இது என்பது என் கருத்து/
   நன்றி.
   • vimarisanam - kavirimainthan சொல்கிறார்:

     3:49 பிப இல் நவம்பர் 8, 2012

     நன்றி நண்பர் ரமேஷ்,

     கிட்டத்தட்ட இதுவே என் கருத்தும்.

     திரு “ஞாநி” அவர்களின் விளக்கத்திற்காக
     நான் காத்திருக்கிறேன்.

     -வாழ்த்துக்களுடன்,
     காவிரிமைந்தன்
10. எழில் சொல்கிறார்:

    4:31 பிப இல் நவம்பர் 8, 2012

    ஒரு சில மாதங்களுக்கு முன் ஆரம்ப பள்ளியில் படிக்கும் என் மகன் கேட்டான் “If home work is a work then why aren’t we paid? “. இதை இங்கே சொல்ல காரணம் உழைப்பு என்பது வயது வந்தவர்களுக்கு மட்டுமா? பொருள் ஈட்டினால் தான் அது உழைப்பா? ஐந்து முதல் எட்டு மணி நேரம் வரை பள்ளியிலும் பின் இரண்டு மூன்று மணி நேரம் வீட்டிலும் கல்வி என்ற பெயரில் கடுமையாக உழைக்கும் குழந்தைகளுக்கு ஞாநி அவர்கள்கூறும் தீர்வு என்ன? ஒரு மணி நேர கல்வியும் மற்றைய நேரம் அவர்கள் விருப்பபடி தானா (இன்றைய தேதியில் சிறுவர்களுக்கு பிடித்த இரண்டு செயல்கள் கம்ப்யூட்டர் கேம் வியாளியாடுதல், கார்டூன் பார்த்தல்).? அப்படி இல்லை எனில் நாம் மட்டும் விரும்பியபடி இருந்து விட்டு சிறார்களை மட்டும் வன்கொடுமை செய்யும் கயவர்கள் ஆகி விட மாட்டோமா?
11. Ganpat சொல்கிறார்:

    7:26 முப இல் நவம்பர் 12, 2012

    திரு.காவிரி மைந்தன் மற்றும் அனைத்து நண்பர்களுக்கும் என் உளங்கனிந்த தீபாவளி நல் வாழ்த்துக்கள்.
12. ரிஷி சொல்கிறார்:

    7:33 முப இல் நவம்பர் 12, 2012

    அன்பின் கா.மை அவர்களுக்கும், கண்பத் அவர்களுக்கும் மற்றும் இத்தள வாசக நண்பர்கள் அனைவருக்கும் என் தீபாவளி வாழ்த்துக்கள்.
13. Ganpat சொல்கிறார்:

    11:34 முப இல் நவம்பர் 12, 2012

    மிகவும் நன்றி ரிஷி ஸார்!
    ஒரிஜினல் நரகாசுரன் அழிந்துவிட்டான்
    ஆனால் ஊழல நரகாசுரன் கொழுத்துவிட்டான்
    என்று கிருஷ்ணனை தேடினால்,
    நாடு முழுதும்,
    ராவணர்கள்,
    மாரீசர்கள்,
    துரியோதனாதிகள்,
    இரண்யகசிபுகள்
    பலர் தென்படுகிறார்களே ஒழிய,
    கிருஷ்ணன் கண்ணிலேயே படவில்லையே!
    அப்படி அவர் சாயலில் உள்ளவர் கூட
    பரவாயில்லை என நினைத்து அவர் பின் போனால்,
    அவரும் N.S.கிருஷ்ணன் ஆகவல்லவோ
    இருக்கிறார்!
14. madurai tamil guy சொல்கிறார்:

    2:40 பிப இல் நவம்பர் 12, 2012

    உங்களுக்கும் உங்கள் குடும்பத்தினர் மற்றும்
    உங்களது நண்பர்கள் அனைவருக்கும் எனது இனிய தீபாவளி நல்வாழ்த்துக்கள்
    “தீப ஒளியினிலே தீயன மறைந்து நல்லன பிரகாசிக்கட்டும்”
    இனித்திடும் இந்த இனிய தீபாவளித் திருநாளில் உங்கள் விருப்பங்கள்
    எல்லாம் கைகூடி வந்து
    என்றென்றும் சந்தோசமாக இருக்க வாழ்த்துக்கள்..
    தித்திக்கட்டும் இனிய தீபாவளி உங்கள் வாழ்க்கையில்
15. எழில் சொல்கிறார்:

    4:34 பிப இல் நவம்பர் 12, 2012

    காவிரி மைந்தன் ஐயா மற்றும் இதை வாசிப்போர் அனைவருக்கும் தீப திருநாள் வாழ்த்துக்கள்.
16. Padmanabhan Potti L சொல்கிறார்:

    10:19 பிப இல் நவம்பர் 17, 2012

    உழை க் காமல் வாழ வே ண் டு மா ? அரசியல்வாதி ஆகவேண்டும். சரித்திர காலம் முதற்கொண்டு ஏழை பணக்காரன் என்ற பாகுபாடு இருந்து வந்துள்ளது. வாழ்க்கையில் முன்னேற வேண்டுமா ? அப்துல்கலாம்
    கூறியது போல் கனவு காணுங்கள் . இதுதான் இன்றைய சூழ்நிலை.
17. reader சொல்கிறார்:

    5:30 பிப இல் ஜனவரி 9, 2013

    http://en.wikipedia.org/wiki/35-hour_workweek

    The 35-hour working week is a measure adopted first in France, in February 2000, under Prime Minister Lionel Jospin’s Plural Left government; it was pushed by Minister of Labour Martine Aubry. The previous legal duration of the working week was 39 hours, which had been established by François Mitterrand, also a member of the Socialist Party. The 35-hour working week was already in the Socialist Party’s 1981 electoral program, titled 110 Propositions for France.
    The 35 hours was the legal standard limit, after which further working time was to be considered overtime.

    The main stated objectives of the law were twofold:
    >>To reduce unemployment and yield a better division of labor, in a context where some people work long hours while some others are unemployed. A 10.2% decrease in the hours extracted from each worker would, theoretically, require firms to hire correspondingly more workers, a remedy for unemployment.[citation needed]
    >>To take advantage of improvements in productivity of modern society to give workers some more personal time to enhance quality of life.

பின்னூட்டங்கள் மூடப்பட்டுள்ளது.