யார் யாரை, ஏன் ஏமாற்றுகிறார்கள் ?

பெட்ரோல் விலையை ஏற்றுவதற்கு, சாதாரணமாக,
மத்திய அரசு சொல்லும் முக்கியமான காரணங்கள்
இரண்டு –

1) சர்வதேச சந்தையில் க்ரூட் ஆயில் விலை
உயர்ந்து விட்டது.

2) இந்திய எண்ணை கம்பெனிகள் தொடர்ந்து நஷ்டத்தை
சந்தித்துக் கொண்டிருக்கின்றன.

இந்த முறை விலையேற்றத்திற்கு மேற்சொன்ன
இரண்டுமே காரணங்கள் அல்ல.  எப்படி ?

1) சர்வதேச சந்தையில் எண்ணை விலை ஏறவில்லை.
ஆனால் டாலருக்கு எதிரான ரூபாயின் மதிப்பு அதல
பாதாளத்திற்கு சரிந்து விட்டது.
எண்ணையின் விலை அதே 110 டாலர் தான். ஆனால்,
ரூபாயின் மதிப்பு விழுந்து விட்டதால், நாம் அதிக ரூபாய்
கொடுத்து வாங்க வேண்டி இருக்கிறது. ரூபாயின் மதிப்பு
சரிந்ததற்கு யார் காரணம் ? மக்களா ?
அரசாங்கத்தின் பொருளாதார சீர்கேடுகளா ?

2) இந்திய எண்ணை கம்பெனிகள் எந்த நஷ்டத்தையும்
சந்திக்க வில்லை. லாபத்தின் அளவு குறைந்திருக்கிறது –
அவ்வளவு தான்.

மார்ச் 2012 உடன் முடியும் 4வது காலாண்டுக்கான
நிதி அறிக்கையை ONGC நிறுவனம் சென்ற வாரம்
அறிவித்திருக்கிறது.அதிலிருந்து ஒரு பகுதி கீழே –

“Net profit in January-March quarter
rose to Rs.5,644 crore from Rs 2,791 crore
a year ago, ONGC Chairman and Managing
Director Sudhir Vasudeva told reporters”.

” Mr. Vasudeva said the company paid
a record Rs 44,466 crore in fuel subsidy
in 2011-12, up from Rs.24,892 crore in
the previous financial year.

“This subsidy outgo dented out net profit
by Rs.25,535 crore (for the full fiscal),”
he said.

ONGC net profit in FY’12 rose 33% to
Rs 25,123 crore. But for the fuel subsidy
outgo, the net profit should have been
over Rs 50,000 crore.”

-அதாவது, கடைசி பத்தியில் கூறப்படுவது  –

“எரிபொருள் சப்சிடியாக ரூபாய் 25,535/- கொடுத்ததால்
எண்ணை நிறுவனத்தின் 2011-12க்கான நிகர  லாபம்
ரூபாய் 25,123/- ஆக குறைந்து விட்டது.
இந்த சப்சிடி கொடுக்காமல் இருந்திருந்தால், நிகர லாபம்
ரூபாய் 50,000 கோடியைத் தாண்டி இருக்கும் !”

எண்ணை நிறுவனங்கள் தொடர்ந்து நஷ்டத்தை
சந்தித்துக் கொண்டிருப்பதால்
விலையேற்றம் தவிர்க்க முடியாதது  என்று ஒரு பக்கம்
அரசாங்கம் சொல்லிக் கொண்டிருக்கும்போதே –
எண்ணை நிறுவனம் சென்ற  நிதி ஆண்டிற்கான  நிகர லாபம்
ரூபாய் 25,123/- கோடி என்று அறிவித்துள்ளது.

யார், யாரை –  ஏமாற்றுகிறார்கள் ?

மேலும் – ஒரு பீப்பாய் (பேரல்) கச்சா எண்ணை
உற்பத்தி செய்ய ONGC நிறுவனத்திற்கு ஆகும் செலவு
44 டாலர் மட்டுமே என்றும் அறிக்கையிலேயே
சொல்லப்பட்டுள்ளது !  ONGC உற்பத்தி செய்யும்
எண்ணை முழுவதும் சர்வதேச சந்தை விலைப்படியே
விற்கப்படுகிறது ! அதாவது 150 % லாபம் வைத்து,
ஒரு பீப்பாய் எண்ணை 110 டாலருக்கு விற்கப்படுகிறது.
சர்வதேச சந்தையில் எண்ணை விலை உயரும்போது
எல்லாம் ONGC யும்  லாபம் பார்க்கிறது.
எனவே நஷ்டம் என்கிற பேச்சே வர வாய்ப்பு இல்லை.
லாபத்தில்  குறைவு  என்று தான் சொல்லலாம்.
அதைத்தான் நிறுவனத்தின் அறிக்கையும் சொல்கிறது –
இந்த ஆண்டு நிகர லாபம் ரூபாய் 25,123/- கோடி என்று.

மக்கள்  ஏமாற்றப்படுகிறார்கள் !

எண்ணை விலையை ஏற்றியது எண்ணை நிறுவனங்கள்
தான். மத்திய  அரசிற்கு இதில் சம்பந்தம் இல்லை
என்று சொன்னார்கள்.  சரி.
ஆனால் எதிர்ப்பிற்கு பிறகு ரூபாய் 2.02
குறைத்திருக்கிறார்களே – இதைச் செய்தது யார் ?
மத்திய அரசு சொல்லாமல் எண்ணை நிறுவனங்கள் தாமாகவே
விலையை குறைத்து விட்டனவா ?

ஏற்றிய பெட்ரோல் விலையை குறைத்தது மத்திய அரசு தான்
என்றால் – விலையை நிர்ணயிப்பதில் அரசுக்கு சம்பந்தம்
இல்லை என்று கூறுவது எப்படி ?

யார், யாரை – ஏன் ஏமாற்றுகிறார்கள் ?
மக்கள் எல்லாவற்றையும் பார்த்துக் கொண்டு தான்
இருக்கிறார்கள் !