ராகுல் காந்தி பிரதமர் ஆக வேண்டும் –
சொல்வது பிரனாப் முகர்ஜி  ! சோனியாவின்
கோபத்திலிருந்து தப்ப முயற்சி !!

( பிரதமர் களை (!)
வந்து விட்டது போலிருக்கிறதே ! )

தன் மீது மிகுந்த அதிருப்தியில்
இருக்கும் சோனியா காந்தியின் கோபத்தில்
இருந்து தப்ப  பிரனாப் முகர்ஜி தீவிரமாக
முயற்சித்து வருகிறார்.

விளைவு – இன்று  மேற்கு வங்கத்தில்,
பிர்பும் மாவட்டத்தில் உள்ள தன் சொந்த
ஊரில் துர்கா பூஜையை கொண்டாடும்
பிரனாப் முகர்ஜி – எந்த வித
சம்பந்தமும் இல்லாமல்  திடீரென்று –
ராகுல் காந்தியை அடுத்த  பிரதமர்  
ஆக்க வேண்டும் —
என்று யோசனை கூறி இருக்கிறார்.

இது வரை  பிரனாப் முகர்ஜி இந்த
விஷயத்தை  வெளிப்படையாகப் பேசுவதை
தவிர்த்து வந்தவர் !

பின் குறிப்பு –

காங்கிரஸ் மேலிடமும் இது குறித்து
புதிய கோணத்தில் யோசித்து வருவதாகத்
தோன்றுகிறது !

மக்களுடன் நெருங்கிப் பழகும்  முயற்சியில்
ராகுல் காந்தி இன்று டெல்லியில்,
முதலில்  மெட் ரோ ரயிலிலும்
பின்னர்  டாக்சியிலும் பயணம் செய்திருக்கிறார்.

இளைஞர் காங்கிரஸ் கூட்டத்தில் கலந்து
கொள்வதற்காக –

தன் வீட்டின் அருகே  உள்ள, ரேஸ் கோர்ஸ் ரோடு
ஸ்டேஷனிலிருந்து – ரோஹிணி வெஸ்ட்
ஸ்டேஷன் வரை மெட் ரோ ரெயிலிலும்,
பின்னர் வெளியே வந்து மீட்டர் டாக்சி பிடித்து,
அங்கிருந்து 3 கிலோமீட்டர் தொலைவிலுள்ள
கூட்டம் நடைபெறும் இடமான –
ஜாபனீஸ் பார்க்  வரை பயணம் சென்றிருக்கிறார்.
டாக்சி டிரைவருக்கு கட்டணமாக 200 ரூபாய்
கொடுத்திருக்கிறார் !

இந்த செய்தியை தொடர்ந்து
பிரபலப்படுத்திகொண்டே இருக்கும் மீடியா –
கூட வந்த  கமாண்டோ
படையினர்  எதில் வந்தனர், எப்படி
பயணம் செய்தனர் என்பது பற்றி எந்த
செய்தியும் வெளியிடவில்லை !

இத்தகைய அதிரடி செய்திகள்
தொடர்ந்து வந்தால் – அடுத்த தேர்தலுக்கு
முன்னரே  கூட இளவரசருக்கு  பட்டம்
சூட்டப்படலாம்.