E04JM3

…

ஹிட்லரின் மெய்க்காப்பாளராக –
அவரது வாழ்வின் கடைசி நாள் வரை பணியாற்றிய
Rochus Misch என்பவர் எழுதிய ஒரு புத்தகத்திலிருந்து சில
விவரங்களை படித்துக் கொண்டிருந்தேன்… அதிலிருந்து சில செய்திகள் –

..

Rochus_Misch

2-ஆம் உலகப்போரில், ஜெர்மனி தோல்வியைத் தழுவிய பிறகு,
தான் எதிரிகளிடம் பிடிபடுவது உறுதி என்றாகி விட்ட நிலையில் –

ஜெர்மானிய சர்வாதிகாரி ஹிட்லரும்
அவரது மனைவியும் தற்கொலை செய்துகொண்டு
இறந்து போயினர் என்பது ஏற்கெனவே தெரிந்த சரித்திரம்….

ஹிட்லரும், அவரது மனைவி இவா-வும் இறந்த விதம்
குறித்து, ஹிட்லரின் மெய்க்காப்பாளர் Rochus Misch
விவரமாக எழுதி இருக்கிறார்…

1945-ஆம் ஆண்டு ஏப்ரல் மாதம் 30-ந்தேதி,
ஜெர்மனி தனது தோல்வியை ஒப்புக்கொண்டு சரணடைந்தது…
அன்றைய தினம் ரஷ்யப்படைகள்,
ஹிட்லரின் பங்கரிலிருந்து அரை கி.மீ. தூரம் வரை வந்து விட்டன….

ஹிட்லரின் அந்த இறுதி நாளில் என்ன நடந்தது என்பதைப்பற்றி,
அவரது மெய்க்காப்பாளர் சொல்வது –

அன்றைய தினம் ஹிட்லர் தனது பங்கரில் ( Führerbunker ) உள்ள அனைவரையும் அழைத்து, “எல்லாம் முடிந்து விட்டது. அவரவர் தாங்கள் விரும்பும் இடங்களுக்கு செல்லலாம். அவசியம் தேவையானவர்கள் மட்டும் இங்கே இருந்துகொள்ளலாம்” என்றார்.

இப்படி அவர் சொன்னதால், நானும் அங்கே இருக்க வேண்டியவர்களில் ஒருவனாகி விட்டேன். ஹிட்லரும், அவரது மனைவி இவா- வும் தற்கொலை செய்துகொள்வது என்னும் முடிவு அப்போது தான் எடுக்கப்பட்டது. எப்படி தற்கொலை செய்துகொள்ள வேண்டும் என்பதற்கான யோசனையை கூறியவர் அங்கிருந்த டாக்டர் வெர்னர் ஹாஸெ.

முதலில் சயனைட் மாத்திரைகளை விழுங்கி விட்டு, பின்னர் துப்பாக்கியால் சுட்டுக்கொள்வது தான் சிறந்த வழி என்றார்.

இதைக்கேட்ட பின்னர் ஹிட்லர் சில நிமிடங்கள் ஏதோ ஒரு யோசனையில் ஆழ்ந்திருந்தார். அவர் முகம் இறுக்கமாக இருந்தது.

பின்னர் தனது மனைவி இவாவுடன் தங்கள் அறையை நோக்கிச்சென்று கதவை சாத்திக்கொண்டார். நெடுநேரம் வரை அங்கிருந்து சத்தம் எதுவும் இல்லை… ஒரே நிசப்தம்.

சிறிது நேரம் இடைவெளியிட்டு,
ஹிட்லரின் அறையை திறந்தோம். நான் மெல்ல எட்டிப்பார்த்தேன்.
அங்கு கண்ட காட்சி மனதை உறையச்
செய்யக்கூடியதாக இருந்தது…. உலகையை ஆட்டிப் படைத்த ஒரு
சர்வாதிகாரியின் இறுதி முடிவு…!

ஹிட்லர் பெரிய சோபாவில் ரத்தக்கறையுடன் இறந்து கிடக்க, அருகில் இருந்த சிறிய சோபாவில் இவா தலை சாய்ந்து விழுந்து கிடந்தார்.

அப்புறம் அங்கிருந்த சிலர், அவர்கள் இருவரையும், ஒரு பெட்ஷிட்டில் சுருட்டி, தூக்கிச்சென்று, பங்கருக்கு வெளியே – தோட்டத்தில் இருந்த வெற்றிடத்தில் வைத்து, பெட்ரோல் ஊற்றிக் கொளுத்தினர்.

ஹிட்லரின் இந்த முடிவுக்கு காரணமாக இருந்தது –

ஹிட்லர் இறப்பதற்கு 2 நாட்களுக்கு முன்னர் தான், அவரது மிக நெருங்கிய நண்பரும், கூட்டாளியுமான – இத்தாலியின் சர்வாதிகாரி முசோலினியும், அவரது மனைவியும் எதிரிகளால் கொல்லப்பட்டிருந்தனர். அத்துடன் அவர்களது உடல்கள், ஒரு பெட்ரோல் நிலையத்தில், தலைகீழாக தொங்கவிடப்பட்டு, அவமரியாதை செய்யப்பட்டிருந்தது.

…

…

இதனை ஹிட்லர் அறிந்திருந்தார். எனவே, எதிரிகளிடம் தங்களது உடல்கள் எக்காரணம் கொண்டும் சிக்கிவிடக்கூடாது என்று முடிவு செய்தார்… அதனால் தான் அவரது மற்றும் இவா-வுடைய உடல்களை எரித்து விடுமாறு ஆணையிட்டிருந்தார்.

—————-

ஹிட்லரின் சாவிற்குப் பிறகு,
அங்கிருந்து தப்பிச்சென்ற மெய்க்காப்பாளர் Rochus Misch,
சில நாட்களிலேயே, ரஷ்யப்படைகளின் வசம் சிக்கினார்.
அவர் கைது செய்யப்பட்டு, ரஷ்யாவில் – மாஸ்கோவில் இருந்த சிறையில் (Lubyanka Prison) அடைக்கப்பட்டு, பலவித சித்ரவதைகளுக்கு உள்ளானார்.

ரஷ்ய அதிபர் ஜோசப் ஸ்டாலின், ஒருவேளை ஹிட்லர் உயிரோடு
தப்பிச்சென்றிருப்பாரோ என்கிற சந்தேகத்தில், ஹிட்லரின் மெய்க்காப்பாளரை பலவித சித்ரவதைகளுக்கு உட்படுத்தி, ஹிட்லரைப் பற்றிய பல உண்மைகளை வெளிக்கொண்டு வந்தார்….

இறுதியில், 8 ஆண்டுக்கால கொடுமையான சிறைவாசத்திற்குப் பிறகு, 1953-ல் Rochus Misch விடுதலை செய்யப்பட்டார்.

அதன் பிறகு Misch 2013 வரை உயிர் வாழ்ந்து, தனது 96-வது வயதில்
பெர்லினில் இறந்து போனார்.

…

வயதான பிறகு –
Rochus_Misch

…

ஆனால், Rochus Misch –
இறுதி வரை, தனது boss-ஐ பற்றி
நல்லவிதமான கருத்துகளையே வெளியிட்டு வந்தார்
என்பது குறிப்பிடத்தக்கது ….

” Misch was loyal to Hitler to the end of his life – stating –

“He was no brute.
He was no monster.
He was no superman”,
“…very normal. Not like what is written”, and
” He was a wonderful boss”….!!!

.
————————————————————————————————————————————————–