3 Responses to அற்புதமான இளையராஜா நிகழ்ச்சியொன்று…..!!!

1. Selvarajan சொல்கிறார்:

   7:53 முப இல் ஜனவரி 22, 2019

   அய்யா … ! திரு .இளையராஜா அவர்கள் 75 ம் ஆண்டு பிறந்த நாள் கொண்டாட்டங்கள் தற்போது நடைபெற்று வருவதையொட்டி பல கல்லூரிகளில் அவரது நிகழ்ச்சிகள் தொடர்ந்து நடைபெற்று வருகிறது — இதில் நேர்காணல் — மாணவிகளின் கேள்விகள் — பாடல்கள் என்று சக்கைபோடு போடுகிறார் இசை ஞானி —

   முன்பே நமது தளத்தில் எம் ஜி ஆர் ஜானகி கல்லூரி நிகழ்ச்சி பற்றி இடுகை வந்தது — தற்போது எம்.ஓ.பி.வைஷ்ணவ் (பெண்கள்) கல்லூரியில் நடந்த இளையராஜா நிகழ்ச்சிபற்றி குறிப்பிட்டு உள்ளீர்கள் — அதேபோல் ராணி மேரி கல்லூரியில் நடந்தது பற்றியும் — அதிலிருந்து மாணவிகளை பாடகிகளாக அறிமுகப்படுத்தியது பற்றியும் ஒரு செய்தி : // 9 மாணவிகளை பாடகிகளாக அறிமுகப்படுத்திய இளையராஜா // https://tamil.thehindu.com/cinema/tamil-cinema/article26049841.ece ராஜா — ராஜாதான் … தூள் கிளப்புகிறார் ராஜா …. !!!
   • vimarisanam - kavirimainthan சொல்கிறார்:

     9:28 முப இல் ஜனவரி 22, 2019

     ராஜா சார் இந்த நிகழ்ச்சியில் பேசும்போது, தன்னை மிகவும் பாதித்த பாடல் என்று, விஸ்வநாதன் -ராமமூர்த்தி இசையமைப்பில் வெளிவந்த “மாலைப்பொழுதின் மயக்கத்திலே” பாடலைப்பற்றி கூறி இருக்கிறார்.

     நானும், கிட்டத்தட்ட ராஜா சாரின் வயது தான்.
     அதே போல், அவரை – எதிர்காலத்தைப்பற்றி சிந்தித்து, திகைக்க வைத்த அதே உணர்ச்சிகள், எனக்கும் கிட்டத்தட்ட அதே 14-15 வயதில் ஏற்பட்டது. அந்த சமயத்தில் எங்கள் குடும்பம் நிலை தடுமாறி திண்டாடிக்கொண்டிருந்தது. நிகழ்காலத்தில் நிலையான படிப்போ, வாழ்க்கையோ இல்லாத நிலை…… எதிர்காலம் என்ன ஆகும் என்கிற திகைப்பும், கவலையும் வேறு …

     அப்போது இந்த பாடல் எனக்கு மனப்பாடம்….

     ” இளமை எல்லாம் வெறும் கனவு மயம்
     இதில் மறைந்தது சில காலம் –

     தெளிவும் அடையாது முடிவும் தெரியாது
     மயங்குது எதிர் காலம் ”

     என்கிற வார்த்தைகள், வர்ணிக்க முடியாத உணர்வுகளை அந்த வயதில் என் மனதில் ஏற்படுத்தின.

     கவிஞர் கண்ணதாசனைப்போன்று – மனித வாழ்க்கையின் நிஜ உணர்வுகளையும், அனுபவங்களையும் பிரதிபலிக்கும் பாடல்களை என் இத்தனை வயதில் வேறு எந்த கவிஞர்களிடமும் காணமுடியவில்லை….

     ராஜா சார் கூறுவது சத்தியமான வார்த்தை… உண்மை அனுபவம்…

     -காவிரிமைந்தன்
     
2. Mani சொல்கிறார்:

   10:23 முப இல் ஜனவரி 22, 2019

   உண்மை. கவிஞர் கண்ணதாசனும், இசைஞானி இளையராஜா அவர்களும்
   நமக்கு கிடைத்த பொக்கிஷங்கள். அனைத்தையும் பதிவு செய்து வைக்கக்கூடிய
   டெக்னாலஜி கிடைத்தது நமது அதிர்ஷ்டம்.

   காலம் காலத்துக்கும் மறக்க முடியாதவை இவர்களின் படைப்புகள்.

பின்னூட்டங்கள் மூடப்பட்டுள்ளது.