கிரிக்கெட் சூதாட்டம் காரணமாக,
நீதிமன்றம் சீனியின் கிரிக்கெட் டீமை
இரண்டு ஆண்டுகளுக்கு தடை செய்தது. அது தொடர்பாக சீனியும்
சாமியும் நேற்று சந்தித்துப் பேசினர். வெளியே வந்த
ஆ-சாமி கூறுகிறார் …

கிரிக்கெட் டீமை தடை செய்த பின்னணியில் தாவூத் இப்ராஹீம்
சதி இருக்கிறது….

லலித் மோடியின் சூது இருக்கிறது….

நீதிபதி தவறாக தீர்ப்பளித்து விட்டார்….

இந்த தீர்ப்பு செல்லாது….!!

“தவறான தடை”க்கு எதிராக ஏற்கெனவே
“பொது நல வழக்கு” மூலம் நான் நீதிமன்றத்தை
அணுகி இருக்கிறேன். விரைவில் தடையை
உடைப்பதில் வெற்றி பெறுவேன். நவம்பர் 16ந்தேதி வரை
காத்திருங்கள்… அதிர்ச்சி தரும் ரகசியங்களை வெளியிடுவேன்….”

————————

சில கேள்விகள் எழுகின்றன….
யாரிடம் போய் விளக்கம் கேட்பது …?
இந்தியாவின் நம்பர் ஒன் ப்ளாக் மெயிலரிடமா …? பதில் சொல்ல அவரால் முடியுமா …? சொல்வாரா …?

————————–

கிரிக்கெட் சூதாட்ட தடைக்கும் –
இந்த அரசியல் cum மதவாதிக்கும் என்ன சம்பந்தம்…?
இவர் விளையாட்டு ஆர்வலர் கூட இல்லையே…?
கிரிக்கெட் எப்படி ஆடுவார்கள் என்று கூட
இவருக்கு தெரியுமா என்பது சந்தேகமே ….!!!

அப்படியிருக்க, இவர் தடையை எதிர்த்து
வழக்கு போடுவது ஏன்…?

இவருக்கு வரவேண்டிய “லாபத்தில்”
பங்கு கிடைக்காமல் போவதாலா …?

சீனியும் இவரும் பங்குதாரர்களா …?
எதில் …? சூதாட்ட கிரிக்கெட்டிலா …?
அல்லது வேறு ” எதாவது ” விதத்தில் நஷ்டமா …?

ஏன் வேண்டும் பொது நல வழக்கு …?

பொது நலன் கருதி “பொதுநலவழக்கு” போட –
இதில் என்ன பின்னணி இருக்கிறது…?
இதனால் எந்த பொதுமக்கள்
இவரிடம் வந்து தங்கள் நலன்
கெட்டு விட்டது என்று சொன்னார்கள்…?

கிரிக்கெட் ஆர்வலர்களை பொருத்த வரையில் –
இந்த டீம் தடை செய்யப்பட்டால்,
புதிய பெயரில் இன்னொரு டீம் உருவாக்கப்பட இருக்கிறது.
இதே தோனியும் மற்ற ஆட்டக்காரர்களும் அதில்
விளையாடப்போகிறார்கள். எனவே விளையாட்டு ரசிகர்களுக்கு
எந்த விதத்திலும் இழப்பு இல்லை….

நஷ்டம் முதலாளிக்கும், பங்குதாரர்களுக்கும்
சூதாடிகளுக்கும், ப்ளாக் மெயிலர்களுக்கும் தான்…!

தடைசெய்யப்பட்ட கிரிக்கெட் அணியின் சொந்தக்காரர் –
ஏற்கெனவே 2ஜி அலைக்கற்றை வழக்கில் தொடர்புடையவர்….
கலைஞர் டிவி-க்கு “வாங்கி” ய கடன் 200 கோடி ரூபாயை “திரும்பக் கொடுக்க 60 கோடி கொடுத்து உதவி செய்தவர் இவர்.

அது குறித்த விவரங்கள் –
குற்றப்பத்திரிகையிலும் இருக்கிறது.
சஸ்பென்ஷனில் இருக்கும் காவல்துறை உயர் அதிகாரியின்
“டேப்” பிலும் இருக்கிறது….

2 ஜி அலைக்கற்றை வழக்கை “பொது நலன்” கருதியும்,
ஊழலை எதிர்ப்பதற்காகவும் தொடர்ந்ததாகக் கூறியவர்
அதே வழக்கு சம்பந்தப்பட்ட இன்னொருவரை காப்பாற்ற
கிரிக்கெட் சூதாட்ட வழக்கில் நுழைவது ஏன்…???

இந்தியாவின் நம்பர் ஒன் ப்ளாக் மெயிலரிடம் –
செய்தியாளர்கள் யாராவது ….. ” பொது நலன் கருதி ”
இந்த கேள்விகளை கேட்பார்களா….?