தமிழகத்தைச் சேர்ந்த மூத்த பாஜக தலைவர்
திரு.இல.கணேசன் அவர்கள் மணிப்பூர் கவர்னராக
நியமிக்கப்பட்டுள்ளார்.

திரு.இல.கணேசனை நான் பல ஆண்டுகளாக கவனித்து வருகிறேன்.

சென்னையில் இருப்பதால், கடந்த 15-16 ஆண்டுகளாக
பல நிகழ்ச்சிகளில், அடிக்கடி நேரிலும் பார்த்து வருகிறேன்.
சென்னையில், “பொற்றாமரை” என்கிற பெயரில்
ஒரு இலக்கிய அமைப்பை அவர் இயக்கி வருகிறார்.
ஒரு சமயம் அவருக்கு அடுத்த இருக்கையில் அமர்ந்து,
கொஞ்ச நேரம் அவருடன் பேசியும் இருக்கிறேன்.
எனக்கு அவரை நன்றாகத் தெரியும்…ஆனால் அவருக்கு
காவிரிமைந்தனை தெரியாது….!!!

தமிழக அரசியல்வாதிகளில் கணேசன் ஒரு ஜெண்டில்மேன்.
எனக்குத் தெரிந்து, யாரையுமே அவர் தரக்குறைவாக
என்றும் பேசியது கிடையாது.

பழுத்த அரசியல்வாதி. சிறந்த தேசபக்தர். இலக்கியவாதி…
தமிழில் மிக அழகாக பேசக்கூடியவர், ஒழுக்கத்தில்
சிறந்தவர், பிரம்மச்சாரி … என்று அவரைப்பற்றி
நிறைய நல்ல விஷயங்களை சொல்லிக்கொண்டே
போகலாம்.

தகுதி வாய்ந்த அவர் எப்போதோ மத்திய அமைச்சராக
ஆகி இருக்க வேண்டியவர்… அமைச்சராகி இருந்தால்,
அவரது பணி, தமிழகத்திற்கு பயன்பட்டிருக்கும்…
இருந்தாலும், தாமதமாகவேனும், இப்போது கவர்னர் பதவியில்
அவர் நியமிக்கப்பட்டிருப்பது மகிழ்ச்சியைத் தருகிறது.

திரு.இல.கணேசன் அவர்களுக்கு இந்த விமரிசனம்
வலைத்தளத்தின் சார்பாக வாழ்த்துகளைத்
தெரிவித்துக் கொள்கிறேன்.

…………………………………………….