தமிழகத்தின் நிதியமைச்சர் ஒரு அறிக்கையை வெளியிட்டிருக்கிறார்….
கருப்பு வண்ண எழுத்துகளில் அச்சடிக்கப்பட்டு, வெள்ளை அறிக்கை
என்று சொல்லப்படும் ஒரு அறிக்கை….

விஷயத்திற்கு வருவோம் –

அறிக்கை பூராவும் முந்தைய அதிமுக அரசை குறை சொல்கிறது.
அதில் உண்மையும் உண்டு, உண்மை அல்லாத அரசியலும் உண்டு.
ஊழல்கள் என்று சொல்லப்படுவது ஒரு பக்கம்….

ஆனால், அதிமுக அரசு வரிகள் போடாததை –
நிர்வாகத்திறன் இன்மை என்று குறை கூறுகிறார்.

இது குறித்து – பாமக இளைஞரணி தலைவர் அன்புமணி சொல்வதை
கொஞ்சம் பார்ப்போமே…

“” தமிழ்நாட்டின் நிதிநிலை குறித்த வெள்ளை அறிக்கையை நிதி அமைச்சர் பி.டி.ஆர்.பழனிவேல்

தியாகராஜன் வெளியிட்டிருக்கிறார்.
தமிழகத்தின் பொதுக்கடன் ரூ.5.70 லட்சம் கோடியாகவும்,
மின்வாரியம், போக்குவரத்து கழகங்கள் ஆகிய பொதுத்துறை நிறுவனங்களின் கடன் மட்டும் ரூ.2

லட்சம் கோடியாகவும்
அதிகரித்து விட்டதாக அரசு தாக்கல் செய்த வெள்ளை அறிக்கையில்
தெரிவிக்கப்பட்டுள்ளது.

தமிழக அரசு மற்றும் பொதுத்துறை நிறுவனங்களின் கடன்
அதிகரித்து விட்டதாக தெரிவித்துள்ள நிதி அமைச்சர், கடன் சுமையில் இருந்து தமிழகத்தை

மீட்டெடுக்க ஆக்கப்பூர்வமான
செயல் திட்டங்களை நிதிநிலை அறிக்கையில் அறிவிப்பார் என்று
நம்புவோம். மானியங்கள் தவிர்க்கப்பட வேண்டும்; பயனற்ற இலவசங்கள், மானியங்கள் கண்டிப்பாக

தவிர்க்கப்பட வேண்டும்.
அரசின் உதவிகள் தேவையானோருக்கு மட்டுமே வழங்கப்பட வேண்டும்.. “”

நமது கருத்து –
முந்தைய ஆட்சியில், பிரதான எதிர்க்கட்சியாக இருந்த
திமுக-வுக்கு, தமிழக அரசின் நிதிநிலவரம் குறித்து 100 சதவீதம்
தேர்தலுக்கு முன்னதாகவே தெரியும்… இருந்தாலும், பல கோடி ரூபாய்கள்
செலவழிக்க வேண்டிய பல இலவச திட்டங்களை திமுக தனது
தேர்தல் அறிக்கையில் வாக்குறுதிகளாக தந்திருந்தது.

பெண்கள் அனைவருக்கும் இலவச பஸ் பயணம்,
ரேஷன் கார்டு வைத்திருக்கும் பெண்கள் அனைவருக்கும்
மாதம் 1000 ரூபாய் ரொக்க உதவி.
LPG சிலிண்டருக்கு 100 ரூபாய் மானியம்… என்கிற ரீதியில்
முழுக்க முழுக்க பணம் சம்பந்தப்பட்ட வாக்குறுதிகள் எக்கச்சக்கம்.

5.7 லட்சம் கடன் இருக்கக்கூடிய ஒரு அரசை நிர்வகிக்கும்போது,
இத்தகைய இலவச திட்டங்களை எப்படி நிறைவேற்ற முடியும்
என்று திமுக நினைத்தது….?

ஆட்சியைப் பிடிக்க, இலவச வாக்குறுதிகளை நிறைய தந்தது.
இப்போது பொறுப்புக்கு வந்த பிறகு அவற்றை எப்படி நிறைவேற்றுவது
என்று திணறுகிறது.

ஊழல்கள் ஒருபுறம் இருக்க –

பஸ் கட்டணத்தை உயர்த்தாதது …
மின் கட்டணத்தை உயர்த்தாதது ….
சொத்து, குடிநீர் -வரிகளை உயர்த்தாதது

ஆகியவற்றிற்காக அதிமுக ஆட்சியை கடுமையாக சாடி இருக்கிறார்
திமுக நிதியமைச்சர்….

( அதிமுக ஆட்சியில் -பஸ் மற்றும் மின் கட்டணங்களை உயர்த்தாததும்,
சொத்து வரியை மாற்றாததும் – நிர்வாகத்திறமை இன்மையால்
நிகழ்ந்தவை அல்ல…. விலையை உயர்த்தினால், மக்களின் எதிர்ப்பை
எதிர்கொள்ள வேண்டியிருக்கும்… மக்களுக்கு பிடிக்காத அரசாக இருக்க
விரும்பாததால், மக்களுக்கு இணக்கமாக செயல்படவே அதிமுக அரசு
முனைந்ததால் நிகழ்ந்த விளைவுகள் தான் அவை…!!! )

கட்டணங்களை உயர்த்தாதற்காக, அதிமுக அரசை நிதியமைச்சர்
கடுமையாக சாடுவதன் பொருள் என்ன…?

அடுத்து சில நாட்களில் வெளிவரப்போகும் தமிழக அரசின்
பட்ஜெட்டில், இவற்றிற்கான கட்டணங்கள், வரிகள், உயரும் என்பதா…?

ஆனால், நிதியமைச்சர் வேறு மாதிரி சொல்கிறார் –

இந்த வெள்ளை அறிக்கையை வெளியிட்ட போது நிதியமைச்சர் பிடிஆர் பழனிவேல் தியாகராஜன்

கூறுகையில் –

அரசியல் துணிச்சலும், நிர்வாக திறமையும் இருந்தால்
நிச்சயம் இந்த கடன் சுமையை சரி செய்யலாம்.

மேலும் வரி வசூலில் உள்ள சிஸ்டங்களை மாற்ற வேண்டும்.

கிளப் ஹவுஸில் வீடு வைத்திருக்கும் பணக்காரருக்கும் ஒரே சொத்து வரி, எங்கோ ஒரு

மூலையில் வீடு வைத்திருக்கும்
ஏழைக்கும் ஒரே வரி வசூலிக்கப்படுகிறது.
அது போல் குழாய் இணைப்பும் அதே போல்தான், பணக்காரர்களுக்கும் ஏழைகளுக்கும் ஒரே

வரியாக உள்ளது.
இதை மாற்ற வேண்டும்.

யாரெல்லாம் வரி உயர்வை கட்ட இயலுமோ அவர்கள் மீது
வரியை உயர்த்த திட்டங்களை வகுப்போம்….

கடன் வாங்குவது, வாங்கிய கடனுக்கு வட்டி செலுத்த
கடன் வாங்குவது, பின்னர் திட்டங்களுக்கு கடன் வாங்குவது
என கடன் சுமை அதிகரிக்கப்பட்டுள்ளது. கடன் வாங்காமல்
ஆட்சி நடத்த முடியாது. ஆனால் வாங்கிய கடனை திருப்பி எடுக்கும் திட்டங்களில் பயன்படுத்த

வேண்டும்.
தொழில் துறைகளில் முதலீடு செய்ய வேண்டும்.
அப்போதுதான் அரசால் வட்டி செலுத்த முடியும் ….
-என்று
அமைச்சர் தெரிவித்திருக்கிறார்.

நிதியமைச்சர் சொல்வதை அவரது பட்ஜெட் அப்படியே
பிரதிபலிக்குமேயானால், எந்த கலரில் அது இருந்தாலும்,
நாம் நிச்சயம் வரவேற்போம்… !!!

இல்லையேல்…..?