….

விஜய்’யின் அப்பா திரு.எஸ்.ஏ.சந்திரசேகர் அவர்களுக்கு
இருக்கும் அரசியல் ஆசை நமக்கு தெரிந்தது தான்.
கடந்த 3 சட்டமன்ற தேர்தல்களின்போதும் அதை அவர்
வெவ்வேறு விதங்களில் வெளியிட முயன்றார்…

துவக்கத்தில், கலைஞர் காலத்தில் –
திமுக ஆதரவாளராக ,

மற்றொரு சமயம் ஜெயலலிதா அவர்களுடன்
கைகோத்து அதிமுக ஆதரவாளராக …

விஜய்’க்கு திரையுலகில் நல்ல மார்க்கெட் இருப்பதாலும்,
இன்னும் சில ஆண்டுகள் கதாநாயகனாக இயங்கலாம்
என்பதாலும், இவ்வளவு அவசரமாக தீவிர அரசியலில்
இறங்க அவருக்கு விருப்பமில்லை என்பது புரிகிறது …

ஆனால், விஜய் ரசிகர் மன்றங்களின் செல்வாக்கை
பயன்படுத்தி, அதன் விளைவாக குறைந்த பட்சம் தனக்கு
ஒரு எம்.பி.பதவியையாவது பெற்றுவிட வேண்டுமென்று
ஆசைப்பட்டார் அவரது அப்பா. ஆனால் துரதிருஷ்டவசமாக –
இதுவரை அவரது ஆசை கைகூடவில்லை…

இந்த தேர்தலை விட்டால், இன்னும் 4-5 வருடங்கள்
வாய்ப்பில்லை; தற்போது திரையுலகிலிருந்து பலர்
பாஜகவில் ஐக்கியமாகி பதவிகளைப் பெறும்போது,
தானும் தன் மகன் மூலம் பெற்றிருக்கும்
செல்வாக்கின் பலனை ஏன் அனுபவிக்கக்கூடாது என்கிற
எண்ணம் அவருக்கு இருப்பது அவரது அண்மைய
பேட்டிகளில் வெளிப்பட்டிருந்தது.

அதன் விளைவு தானோ – இன்று வெளியாகியிருக்கும்
இந்த “அப்பாவின் ஆசை” ….

…..

…..

ஆனால், அவருக்கு ஆர்வம் இருக்கிற அளவிற்கு
தமிழக பாஜக-வினருக்கு இதில் ஆர்வம் இல்லையென்று
தோன்றுகிறது….காரணம் ஹெச்.ராஜா போன்றவர்களாக
இருக்கலாம்…

இருந்தாலும், கட்சியை ஆரம்பித்து தூண்டிலைப்
போட்டு வைக்கலாம்… பின்னர், எந்த கட்சி கூப்பிட்டாலும் சரி –
பயன்படுத்திக் கொள்ளலாம் என்பது எஸ்.ஏ.சந்திரசேகரின்
எண்ணமாக இருக்கலாம்…

விஜய் இவ்வளவு வேகமாக மறுப்பு அறிக்கை
வெளியிடுவாரென்று அவர் எதிர்பார்த்திருக்க மாட்டாரோ…?

அப்பா- செயலாளர்,
அம்மா – பொருளாளர் – என்று தன் பெயரில் ஒரு கட்சி
பதிவு செய்யப்படுவதை விஜய் எதிர்ப்பது இயற்கையே…
அவரது இமேஜ் பாதிக்கப்படாதா…?

தன் ஆசையை நிறைவேற்றிக்கொள்வதற்காக,
இப்படி தன் மகன் பெயரில், அவர் விருப்பம்/சம்மதம் இல்லாமல்
ஒரு கட்சியை உருவாக்கி தன் சொந்த மகனுக்கே இத்தகைய
சங்கடத்தை உண்டு பண்ணுவதற்கு பதிலாக –

எஸ்.ஏ.சந்திரசேகர் எதாவது ஒரு கட்சியில் நேரடியாக சேர்ந்து,
தன் செல்வாக்கின் பலத்தை சோதித்துப் பார்த்திருந்தால், அது
நேர்மையானதாக இருந்திருக்கும்.