….

” மாலைப்பொழுதின் மயக்கத்திலே..”

இயற்றியவர் – கவிஞர் கண்ணதாசன்
படம் – பாக்கியலக்ஷ்மி –
பாடியவர் – பி.சுசீலா –
இசை -விஸ்வநாதன்-ராமமூர்த்தி

இளையராஜா பலமுறை கூறி இருக்கிறார்…
13-14 வயது பருவத்தில்,
தான் பண்ணைப்புரம் கிராமத்தில்,
தன் எதிர்காலத்தை
நினைத்து பிரமித்திருந்தபோது –
இந்தக் கனவு வரிகள் தான் தன்னை
ஆட்கொண்டன, மீண்டும் மீண்டும்
சிந்திக்கத் தூண்டின – என்று….

-கிட்டத்தட்ட அதே வயதில்,
இதே நினைவுகளுடன், இதே வார்த்தைகளுடனும்,
நானும் குழம்பித் திகைத்திருந்தது உண்டு….

தெளிவான எதிர்காலம் இல்லாத –
வசதியான வாழ்வில் இல்லாத –
பல இளைஞர்களுக்கும் இந்த அனுபவம் ஏற்பட்டிருக்கும்…

கண்ணதாசனின் அற்புதமான வரிகள் –

” இளமை எல்லாம் வெறும் கனவு மயம்
இதில் மறைந்தது சில காலம் –
தெளிவும் அடையாது முடிவும் தெரியாது
மயங்குது எதிர் காலம்..”

….

—–