யார் காலை யார் வாரினார்கள் ? விவரம் சொல்லும் புள்ளி விவரங்கள் …

யார்  காலை யார்  வாரினார்கள் ?
விவரம் சொல்லும் புள்ளி விவரங்கள் …

கூட்டணி கட்சிகள் செயல்பட்டது எப்படி –
யார் காலை யார் வாரினார்கள் –
எந்த அளவிற்கு கட்சிகள் கூட்டணிக்கு
விசுவாசமாக இருந்தன
என்கிற விவரங்கள்  எல்லாம் –

தற்போது  துல்லியமாக
கிடைக்கின்றன.

தேர்தலில்  ஓட்டுக்கள்  எந்த மாதிரியில் (pattern)
போடப்பட்டு இருக்கின்றன என்பதைப் பார்த்தால் –
கூட்டணிகள் எந்த அளவிற்கு பயன் அளித்திருக்கின்றன
என்பதும் புரிகிறது.

திமுக கூட்டணியில் முக்கிய அங்கம் வகித்தவை
காங்கிரஸ்,  பாமக, விடுதலைச்சிறுத்தைகள்  ஆகியவை.

இதில் 124 இடங்களில் போட்டியிட்ட  திமுக
இந்த 124 இடங்களிலும் பெற்ற மொத்த ஓட்டுக்களின்
சராசரி 42.11 %.

கூட்டணி 100 % ஒழுங்காக  செயல்பட்டிருந்தால் கூட்டணி
கட்சிகள் அனைத்துமே கிட்டத்தட்ட இதே அளவு
சராசரி ஓட்டுக்கள் பெற்றிருக்க வேண்டும்.

ஆனால்   63 இடங்களில் போட்டியிட்ட காங்கிரஸ்
பெற்ற  சராசரி ஓட்டுக்கள் – 35.64 % மட்டுமே.

30 இடங்களில் போட்டியிட்ட  பாமக பெற்ற
சராசரி ஓட்டுக்கள்  – காங்கிரசை விட அதிகம் –
அதாவது 39.60 %.

ஆனால் – 10 இடங்களில் போட்டியிட்ட
விடுதலைச்சிறுத்தைகள் பெற்ற  சராசரி ஓட்டுக்கள் –
காங்கிரஸ், பாமக
இரண்டையும் விட குறைவு – அதாவது 34.01 % மட்டுமே.
(காங்கிரஸ் கட்சி குறைவாக வாங்கியதற்கு காரணம்
புரிகிறது. ஆனால் விசிக  காங்கிரசை விட குறைவான
சதவீதம் ஓட்டு வாங்கி இருப்பதன் அர்த்தம் என்ன ?
திருமா யோசிக்க வேண்டும் !)

அதிமுக கூட்டணியிலும் வித்தியாசங்கள் இருக்கின்றன  
என்றாலும் – அங்கே  நிச்சயமாக இதை விட  
தேவலை  தான்.

அதிமுக கூட்டணியில் உள்ள முக்கிய கட்சிகளான –

அதிமுக 165 இடங்களில் (அதிமுக சின்னம்) போட்டியிட்டு
சராசரியாக 53.93 % ஓட்டுக்கள் பெற்றிருக்கிறது.

அடுத்தபடியாக தேமுதிக – 41 இடங்களில் போட்டியிட்டு
சராசரியாக 44.84 % ஓட்டுக்கள் பெற்றிருக்கிறது.

ஆனால்   12 இடங்களில் மட்டுமே போட்டியிட்ட சிபிஎம்
சராசரியாக 50.29 % ஓட்டுக்களைப் பெற்றிருக்கிறது.

சிபி ஐ 10 இடங்களில் போட்டியிட்டு
சராசரியாக 48.63 % ஓட்டுக்களைப் பெற்றிருக்கிறது.

2 இடங்களில் மட்டுமே போட்டியிட்ட சிறிய கட்சியான
புதிய தமிழகம் 54.30 % ஓட்டுக்களை (அதிமுகவை விட
அதிகம்) பெற்றிருக்கிறது.

திமுக கூட்டணியை விட அதிமுக கூட்டணியில் ஓரளவு
ஒத்துழைப்பு அதிகம் என்று தோன்றினாலும்,
தேமுதிக விஷயத்தில் மட்டும்
சற்று  பாதிப்பு  இருப்பதாகவே  தெரிகிறது.

ஆனால் திமுக கூட்டணியில் வெளிப்படையாக
ஒற்றுமையாக இருப்பது போல் காட்டிக்கொண்டாலும் –
உள்ளுக்குள் எல்லா கட்சிகளுமே ஒன்றை ஒன்று
காலை வாரி விட்டிருப்பது நன்றாகவே தெரிகிறது !

About vimarisanam - kavirimainthan

விமரிசனத்தில் வெளிவரும் ஒவ்வொரு இடுகையையும், உடனடியாக மின்னஞ்சல் மூலம் பெற மேலே உள்ள அதற்குரிய follow விமரிசனம் -காவிரிமைந்தன் widget -ஐ க்ளிக் செய்யுங்கள்...
This entry was posted in அதிமுக, அம்மா, அரசியல், இணைய தளம், கருணாநிதி, சோனியா காந்தி, தமிழ், திமுக, பொது, பொதுவானவை, Uncategorized and tagged , , , , , , , , , , , , , , , , . Bookmark the permalink.

3 Responses to யார் காலை யார் வாரினார்கள் ? விவரம் சொல்லும் புள்ளி விவரங்கள் …

  1. சூப்பருங்கோ.. நான் படிச்ச பெரிய பெரிய பத்திரிக்கைகள் கூட இந்த மாதிரி அனலைஸ் பண்ணலை. கீப் இட் அப்.

  2. Ganpat சொல்கிறார்:

    நல்ல ஆராய்வு..உண்மையும் கூட!

    இனிமேலும் விஜயகாந்த் சற்று கவனமாக இருப்பது நல்லது..

    ஒரு பக்கம் அவரை “விஜெயாகாந்த்” ஆக்க எல்லா முயற்சியும் செய்யப்படும்

    இன்னொரு பக்கம் அவரை “விஜயகாங்” ஆக்கவும் எல்லா முயற்சியும் செய்யப்படும்!!

    இதில் சிக்காது,அவர் “விஜயகாந்த்” ஆகவே 5 வருடங்கள் தொடர்ந்து நன்கு பணி ஆற்றினால், தமிழ்மக்கள் அவரை “வெற்றிகாந்த்” ஆக மாற்றுவர் !

  3. பாண்டியன் சொல்கிறார்:

    சி.பி.எம் எப்பவும் கூட ஊடு வாங்குதுங்க ஆனாலும் பாருங்க தனிய நிக்க மாடெனுது தனியா நிக்க மாடென்னுது. 

பின்னூட்டங்கள் மூடப்பட்டுள்ளது.