திருக்குவளை  தீயசக்தி –
மகளின் மனம் கவர்ந்த மத்திய அமைச்சர் !
ஜெ.பேச்சு !

அதிமுக தலைவி ஜெயலலிதாவின் இன்றைய
திருச்சி கூட்டம் சில விஷயங்களை
தெளிவு படுத்தியது –

எம்ஜிஆரால் 1982 ல் அறிமுகப்படுத்தப்பட்டு
கடந்த 28 ஆண்டுகளாக அரசியலில் இருப்பதாக
ஜெ. சொன்னாலும்  வழக்கமாக தமிழக
அரசியலில் இருக்கும்
மேடைப் பேச்சாளர்களுக்குள்ள  குணாதிசயங்கள்
அவருக்கு இன்னும் கைவரவில்லை !

கவர்ச்சியான குரலிலோ, கரகரப்பான குரலிலோ
அவர் பேசவில்லை – அதற்கு முயற்சிக்கவும்
இல்லை.குரலில்  ஏற்றத்தாழ்வுகள் இல்லை.
உணர்ச்சி வசப்படவும் இல்லை.கேட்பவர்களை
தன் பேச்சின் மூலம் வசப்படுத்தக்கூடிய திறமை
அவரிடம் இல்லை.

அவர் கூட்டத்திற்கு வரும் மக்கள்
யாரும் இதை எல்லாம் எதிர்பார்ப்பது இல்லை
என்பது வேறு விஷயம் !

ஆனால் அசாத்தியமான  தைரியம் – இன்றைய
அரசியல்வாதிகளிடையே பெரும்பாலும் காணப்படாத
தைரியம் அவரிடம் இருக்கிறது.அதே போல்
அதீத தன்னம்பிக்கை !
இந்த தைரியமும் தன்னம்பிக்கையும் தான் அவரது
விசேஷங்கள்.

இதை வைத்துக்கொண்டு தண்ணி காட்டுகிறார்
கலைஞருக்கு ! அடுத்த ஒரு வாரத்திற்கு
வேலை கொடுத்து விட்டார் !!

சரி போகட்டும் – என்ன விசேஷம் இன்றைய
கூட்டத்தில் ?

இரண்டு புதிய பெயர்கள் சூட்டப்பட்டன –
1)திருக்குவளை தீயசக்தி !
2)மகளின் மனம் கவர்ந்த மத்திய மந்திரி !!

முதலாவது பளிச்சென்று புரிகிறது.
இரண்டாவது ??…….