அய்யோ ..

மனிதம்  எங்கே ?
இந்தப் படத்தைப்  பார்க்கவே  மனம் பதை பதைக்கிறதே –
இன்னும்  நேரடியாகக் கையாள வேண்டியவர் மனம்
பேதலிக்காமல் என்ன செய்வர் ?

இருபதே  நொடிகள்  குலுங்கியதில் –
இரண்டு லட்சம் மக்கள் பலி.
ஹைத்தி தீவில்  நடந்தது  எங்கு வேண்டுமானாலும்
நிகழலாமே !

சந்திரனில்  இறங்கி விட்டோம் – நாளை  செவ்வாயையும்
பிடித்து விடுவோம் என்று பெருமை பேசும் மனிதர்களே

சவால்  விடும் இயற்கையை முதலில் படிக்க
முயலுங்கள் – அதன் சீற்றத்தை அறியவும்  அதிலிருந்து
மக்களைக் காக்கவும்  வழி என்ன   பாருங்கள்.